Kaw Thoo Lay Army Dirhnak Kongah Thawng Fiang!!

KAWTHOOLEI ARMY Dirhnak Kong He Pehtlai In KNU/KNLA Nih Cathanh An Chuah!
=========================
KNU/KNLA nih July 20 ah Saw Nedal Mya(စောနယ်ဒါးမြ) nih a dirhmi KAWTHOOLEI ARMY cu kan cohlang lo, tiah cathanh an chuah.
Emergency in tuahmi Central Executive Committee meeting ah Saw Nedal Mya cu KNU in chuah ding in biakhiahnak an ngei i, Saw Nedal Mya nih an dirh mi kong ah KNU he pehtlaihnak a ngei lo, tiah an cathanh ah an langhter.

AA He Pehtlaihnak An Ngei Tiah Puh In Kyaukphyu Khuami 9 Cu Kum 3 Cio Thong Tla Ding In Dantat An Si!: Rakhine ramkulh Kyaukphyu(ကျောက်ဖြူ) peng ah minung 9 cu Arakan Army(AA) he pehtlaihnak nan ngei tiah SAC ralkap nih an puh hna caah nihin July 21 ah kum 3 cio thong thlak ding in bia an ceih hna, tiah sihni pakhat nih a chim.

Tlaih a tongmi 9 hna cu Kyaukphyu (ကျောက်ဖြူ) peng AlayChawng(အလယ်ချောင်း) khua le ZinChawng(ဇင်ချောင်း) khuami an si i, phungrelnak caang 52(A) in tazacuai an si, tiah sihni U Kyaw Tu Yah nih a chim. AA he i pehtlaihnak ruangah sualphawt mi hna cu pengkulh thonginn hmunkip ah an chiah hna i, July 20 ah Aidin(အိုင်ဒင်) khuami 2 zong kumthum chung thong tla ding in biaceihpiak an si ve, tiah theih a si.

Pakokmo-Saw Motor Lampi Cu Hman Lo Ding In Kyaukhtu PDF Nih Cathanh An Chuah!: Chin ramkulh Mindat in SAC ralkap motor 66 cu nihin July 21 ah Kyaukhtu lei ah a kal, tiah theih a si. SAC ralkap motor run cu nizaan khan Kyaukhtu in Mindat lei ah a kal nain, nihin July 21 ah Kyaukhtu lei ah a kir ṭhan tiah theih a si.

SAC ralkap motor run cu Pakokko le Saw lei ah an kal lai tiah zumh a si, ruahlopi in kahdohnak a chuak khomi a si caah June 21, 2022 in Kyaukhtu – Pakokko lampi le Kyaukhtu – Saw lampi cu hman rih lo ding in theihternak an tuah i, a herh tukmi an um ahcun Kyaukhtu PDF zung ah phone in pehtlaihnak tuah hmasa ding a si lai, Kyaukhtu PDF nih ralrinpeknak le nawlnak cathanh an chuah.

NwaHtoegyi Ah SAC Ralkap An I Cit Mi Mawțaw Bomb Puahnawh An Tong 3 An Thi, Mandalay ț, NwaHtoegyi peng ah SAC ralkap nih an i citmi mawraw pakhat cu nizaan, July 20 zanlei Sml 6:00 ah NwaHtoegyi PDF nih bomb kan puah hna i 3 an thi tiah NwaHtoegyi PDF nih an thanh. SAC ralkap 8 nih an i citmi Bus pakhat cu NwaHtoegyi in Watlat khua lei a kal lio bomb 2 in an puahhnawh hna hi a si. Mithmu tu tualchung mi hna nih SAC ralkap 3 an thi tiah an kan chimh tiah NwaHtoegyi PDF nih cun an langhter.

Tamu Ah Zu Dawr Ngeitu Meithal Tlai Pakhat Nih A Kahthah, Phaisa A Chuh , Sagaing Ramțhen, Tamu Khuapi Myoma -13 Sang , NaanMarLung meithat zung kam ah U Zaw Myo Aung @ Yaw Tha cu nizaan July 20 zaanlei sml 5:00 hrawng ah meithal ai tlaihmi pakhat nih a dawrchung ah a kahthah. Dawr ngei tupa hi a dawr ahhin Pyisawtee pawl an lutchuak ngai, A lu ah a kahthah i phaisa zong a lak tiah khuami palhat nih a chim. A ruak cu Tamu mibawmchantu bu nih siizung ah an kalpi.

NwaHtoegyi Ah SAC Ralkap An I Cit Mi Mawțaw Bomb Puahnawh An Tong 3 An Thi, Mandalay ț, NwaHtoegyi peng ah SAC ralkap nih an i citmi mawraw pakhat cu nizaan, July 20 zanlei Sml 6:00 ah NwaHtoegyi PDF nih bomb kan puah hna i 3 an thi tiah NwaHtoegyi PDF nih an thanh. SAC ralkap 8 nih an i citmi Bus pakhat cu NwaHtoegyi in Watlat khua lei a kal lio bomb 2 in an puahhnawh hna hi a si. Mithmu tu tualchung mi hna nih SAC ralkap 3 an thi tiah an kan chimh tiah NwaHtoegyi PDF nih cun an langhter.

Relchap, HIMARS hriamnam 4 in Ukraine kan kuat chap lai, tiin US Defense Secretary Lloyd Austin nih Wednesday ah thawng a thanh. Lamhla kahnak US hriamnam hi hmual an ngei taktak khi si, Russia nih an celh ruam lo, tiin Ukraine officials nih an thangthat ngaingai, ti asi.

Ukraine Defense Contact Group meeting an tuah lio ah a tu bantukin Austin nih thawng a thanh hi a si. “Kan kuat cia mi kan HIMARS hi Zelensky a ralkap pawl nih hmualngei ngaiin an hman i, ral tei khawhnak dingah a thathnem ngaingai hna,” tiin Austin nih a chim.
HIMARS 4 a kuat chap ah cun, a dihlak ah 16 an i ngeih cang lai, tinak a si. Cun, Biden cozah nih HIMARS zenkuan siseh, guided miakpi bomb, raltuknak mawtaw le a dang lakhruat in herhhaimi vialte zong tamdeuh in a rauhhlan ah kuat dingin timhlamhnak a ngei, tiin Austin nih a chim.

HIMARS kan sin a phak le cangka Russia ralkap pawl an thin lawng a phang ko cang, tiin Luhansk pengukbawi Serhiy Gaidai nih Newsweek ah a chim. HIMARS hriamnam hi lamhla kahkhawhnak rocket system a si bantuk in Russia kan dohnak ah thilsining a thleng khotu hriamnam tha a si, tiin Ukraine Defense Minister Oleksii Reznikov nih The Wall Street Journal he interview tuahnak ah a chim ve.

Ukraine nih amah le mah ai runven khawhnak dingah tuanbia chung tial awk tlak tein runvennak hriamnaam pehzulh tein kan bomh ko rih lai, tiin Austin nih a chim. UK sinin M270 Multiple Launch Rocket Systems zong Ukraine nih an hmuh cang. Cun Germany sin zongin hriamnam ngan a phan chom ding a si, tiin Austin nih a chim.

“Poland zong nih 155 mm Howitsers miakpi battalion 3 a kuat cang hna. Cu miakpi pawl cu ralhrahnak hmun ah an i thathnempi ngaingai. HIMARS, M270 le 155mm miakpi pawl hi Ukraine ralkap nih a hman zia an thiam ngaingai manh cang,” tiin Austin nih a chim. UK sinin M270 MLRS cu Friday ah khan kan sin a phan kho cang. Hi hriamnam hi HIMARS he biataktein rian a tlam a tlinh kho ding hriamnam tha a si, tiin Ukraine Defense Minister Reznikov nih a chim.

Western nih Ukraine hriamnam an bomhmi kong i an lungre a theihnak kong Russia tanhtu pawl nih an langhter len ve. Western nih an bomhmi hriamnam Ukraine nih ai hman hnu ah Russia nih a minung le a hriamnam tamtuk a sung manh cang, tiin 2014 lio i Russia a tanh taktaktu khahlan Russia intelligence official Igor Girkin nih the Moscow Times ah a chim.

“HIMARS missile an hmual hi Russia air defense systems nih a kham kho ti lo,” tiin Girkin nih The Moscow Times ah a chim.
Western hriamnam pawl zeitluk hmual ngei a sinak kong Russia ralkap kong i minthang taktak asi mi, mifim Igor Korotchenko nih a chim bal.

“Western nih an hriamnam an kuat chap luaimai rih a si ah cun, Ukraine kan hluhhnawhnak rian hi a tlam tlinh kho lo lakah in an kan tuaitam te lai” tiin Kremlin-run TV ah Korotchenko nih a chim. Cu a chimmi cu Russia politic thatlonak kong a thei taktakmi Julia Davis nih Tweeter ah a tar chin, tiah theih a si. Hi kongah Newsweek nih Russia Foreign ministry thawngpang a hal nain lehnak a um rih lo.