Karenni ramkulh ah June zarhhnihnak chungah SAC ralkap le Karenni ralkap phufonh karlak ah kahdohnak a chuak i SAC ralkap 22 an thi. Karenni ralkap phufonh cheukhat hliam an tuar . Daw- Nyi – Khu(ဒေါညေးခူ) kahdohnak ah SAC ralkap hna cu Biakinn ah umhmun an khuar i hnu an tolh pah ah Biakinn cu mei an duah ta tiah KNDF nih cathanh an chuah.
June 12 ah Pruso(ဖရူဆို )peng, Daw- Nyi- Khu(ဒေါညေးခူ) kahdohnak ah SAC ralkap 10 leng an thi i meithal 8 le thilri cheukhat Karenni ralkap phu nih an lak khawh .
June 14 ah SAC ralkap hna nih Daw- Nyi – Khu( ဒေါညေးခူ) khua inn hna cu an bauh i thilri an fir leng ah inn 4 an duah. June 15 kahdohnak ah SAC ralkap 4 an thi i Saw- Nyi – Khu khua um St. Matthew’s Church ah umhmun a khuarmi SAC ralkap hna nih hnu an tolh pah ah Biakinn le Postor hna um nak inn, an zung hna cu mei an duah tiah KNDF nih an thanh.
Demohso peng Sanpiah 6 Mine( စံပြ၆ မိုင်) khua lei ah rallam asial mi SAC ralkap le Karenni ralkap hna karlak ah June thla thok in kahdohnak nifatin titluk in a chuak i June thla a zarh 2nak ah Demohso peng PhuPha(ပူဖား) khua pawngah kahdohnak a chuak. June 9 ah Liokaw peng PaJay(ပကြဲ) khua le PaDarNyi( ပဒါညေး) khua pawng ah kahdohnak a chuak i SAC ralkap hna nih khuachung um inn le Biakinn hna cu an bauh i an hrawh tiah KNDF nih nihin ah cathanh an chuah. Cred : The Chin Post
Leave a Reply