Thaway ramthen ,Yephue pengkulh, Kanpoh hmun Phawngtaw khua lei Mawgyi khua ah nihin chunhnu ah ralhrang phu hña cu an phan ,Mawgyi khua sianginn pawng dawr le lakphak dawr he peh in on mi dawr chung ah um mi hña minung pali cu an tlaih hña , cun an hrem rih hña i dawr hmai ah an khuk an bil ter hña tiah khua mi hña nih an chim .
Cun dawr ah um mi thilri vialte darzin ning in an i lak , an i fim i an khuk an bil ter mi hña minung pali cu Mawgyi khua in khua dang lonh tiang Phawngtaw khua tiang an lak mi thil phorh ter in , an ke in an kal ter tha tiah theih a si.
Zaan lei suimilam 3 tiang ah ,an tlaih mi hña pa minung (4) cu Phawngtaw khua , ralhrang rallokap phu khuabawi zung ah an chiah hña , a tu tiang thlah an si rih lo tiah theih a si. Cred : The Chin Post
Relchap : “Thaal Dohthlennak” hi CRPH, NUG, NUCC le EAO hna nih hruai mi a si lo, G-Z le CDM a tuah mi hna nih a kan hruai mi a si.
Hi dohthlennak hi rianrang taktak in aa thlen ca ah mizapi nih PDF ca ah siseh kanmah cio ca ah siseh, a herh mi thilri, tirawl le sii-ai tiang in kan i rin deuh a hau, tiah NUG Fimcawnnak le Ngandamnak Minister Dr. Zaw Wai Soe nih a facebook cahmai ah a tial. Cred : The Hakha Time
Leave a Reply