Kani Peng Kahdohnak Mipi Ralkap PDF Minung Pa 1 Nih Ram Le Miphun Caah A Nunnak A Peek Than E!!

Sagaing ramthen, Kani pengkulh chungah SAC ralhrang ralkap le mipi humhimtu ralkap PDF hna cu tuni ah kahdohnak voihnih a chuak i, SAC ralhrang leiin minung a tlawm bik in minung pa 3 an nunnak a liam kho i,Mipi kan ralkap lei in Drone in thlak mi hraimnam ngan an i mih sual caah PDF leiin minung pa 1 nih ram le miphun caah a nunnak a peek i minung pa 4 nih hliam an tuar nak kong cu KLG nih thanhnak a tuah.

SAC ralhrang ralkap hna nih Nga-Phit khua pawngah a um mi KLG-PDF sakhan cu an luhhnawh kahdoh caah KLG-PDF hruainak in MPDF, ပုလဲနယ် ဗိုလ်နဂါးရဲ့ မြန်မာ့တော်ဝင် နဂါးတပ်တော် (MRDA) ၊DBTF ၊ Spring Gurellia Platoon (နွေဦးပျောက်ကြားတပ်စု)၊ Alpha၊ NRG၊‌ ဒေသခံပကဖအဖွဲ့န le yin-ma-pyin kani hoikom phu fonh hna nih an kahdoh ve hna tiah theih a si. SAC ralhrang nih KLG-PDF sakhan cu an kahdoh caah meiin an khang dih hrawh dih ii, KLg-PDF nih Kawlram tangkaa in ting 300 man kan sung tiah thahnak an tuah pinah Mipi ralkap minung pa 1 a nunnak a liam pinah minung pa 4 nih hliam an tuar tiah theih a si.

Chungkhar caah tiah Malaysia ram Klang Kapar khua Sofa sehzung pakhat ah aa hlawhfa mi kan Chim miphun upa pakhat cu vachiat ngaiin a ihnak in a nunnak a liam beh. Hi Chin pa hi U Shwe Maung timi Rakhine ramkulh Myauk Oo peng Kyar Kaan khuasa a si tiah theih a si. U Shwe Maung hi nizaan June 1 zaan riah an ei khawh hnu ahkhan zei tuah awk um tilo tiin a rak it. Cuti a ihnak in cun tho kho tilo in a nunnak a rak liam beh hi a si. Nihin June 2 zinglei 7am ahkhan a tupa nih rian kan kal cang lai tiah a va tthangh ah a ruak tuin a va hmuh hi a si.

Ko Shwe Maung a ruak hi zei ruangah a thih timi chek duhah Tanjung Karang sizung pi ah an kalpi. A ruak kongkau ah an community nih an tawlrel dih cang i zei ruang i a thih timi report a chuah hnuin a ruak vui a si te lai. Ko Shwe Maung hi Chin miphun chungtel Khami miphun Rakhine ram khuasa a si tiah theih a si. Credit:MCCM

June 2/2022, Falam sianginn kaimi hna cu ralhrang nih sianginn ah an va veh hna, sianginn pawngkam ah fek le khoh ngai in security lak an itimhnak zong Ralhrang lei nih an chim. Credit; Salai William HC

Thawngdang Relchap>>>><<<< Amay Suu Le MAH Biaruahnak Lawng Nih Paucan Dohthlennak Hi A Dam Ter Khawh Lai. MAH le Amay Suu nih Ton Biaruahnak An ngeih khawh lawng ah Kawlram Buaibai nak le piatana vialte a dai cikcek lai, Paucan Dohthlennak zong a hlawhtlin lai tiah Michael Health nih Bangkok Post ah ati. Michael Health cu Bangkok American Embassy ah Temporary Ambassador asi. USA Palai pa nih hin American lungput le Policy asi lo mi Achimh lai lo.

NUG, PDF, EAOs CDFs hna he PEACE I ruah uh ti hi American Policy ah aa tello. Anmah he biaruah men in MAH le Rallokap an lung ṭhumh khawh asi lai lo, Kawlram adam lai lo tiah American nih an zumhnak hi asi. NUG, EAOs, CDF, PDF vialte nih Federal hal asi. Anasin vialte cihmih le 2008 phunghrampi thih bak kha an strategic planning asi.

MAH nih Federal kan pek hna lai tiah biakam nak he EAOs cheukhat he lawng an i tawn, PEACE TALK an tuah. NUG, PDF, CDF he PEACE ka tuah lai lo, Annih cu Ralhrang an si a ti salam. ICNCC le NUCC hi cu an um zong theih dawh asi lo. Nung na in, athih mi bantuk khin a hei hmuh hna rua MAH nih, afak hrinhran ko.

American nih an hmuh ning cu aa phundang ve. Amay Suu le MAH biaruahnak an ngeih lo ahcun Kawlram dam nak lam aum ti lo tiah an hmuh. American nih Federal kong an chimhrel ballo. Democracy le Nuhrin covo zalen ṭhan seh ti lawng kha American a hmuitinh asi. American duh ning ahcun Amay Suu le MAH biaruah hnu ah PEACE tuah in / NCA peh zulh in / 21st Panglong Conference peh in / Dindeih nak kawl hnu ah, Federal kong ceih kha asi bik ko. Achan cu MAH nih NUG, PDF le CDF cu biaruah phu ah a ruah hna lo. Ralhrang ati hna.

Tutan UNSC meeting ah Kawlram caah thanhca chuak awk ah American nih Agenda an lut pi nain (Amay Suu le MAH bia I ruah hnaseh ti telin) Tuluk nih Veto in a hnawn. Amay Suu le MAH biaruah khawh ding ah, ASEAN Hotu, Cambodia PM Mr. Hunsen kha American nih an forh. UNCHR meeting Switzerland ah Mr. Neoleen le Hunsen cu an tawn ter hna, Kawlram tlawn in Amay Suu le MAH ton ter awk kha aa zuam.

ASEAN Special Envoy Palai Prak Sokhonn zong June thla dih ah Kawl ram atlawn lai. Amay Suu le MAH ton ter awk ah aa zuam ve lai. Ara lai June thla ASEAN meeting ah MAH le SAC Luban sawm lo ding in biachah nak an ngeih, American Pressure pek ruang ah asi. ASEAN biachahnak (5) azulh lomi MAH asi caah an ti nain, Amay Suu he an tawn ter ballo mi kha bia cu asi.

Ms. Neoleen, UN Special Envoy to Myanmar le Mr. Prak Sokhonn hna nih Amay Suu le MAH tawn biaruah ter ding kha an I zuam cio lai. Kawlrawm buaibai nak daih ter awk ah ASEAN hi Abiapi bik asi tiah American nih ati zungzal. Amay Suu le MAH nan tawn ter khawh ahcun Tampi kan bawmh hna lai tiah, American nih an ti chap bei rih.

Amay Suu le MAH an I tawn I biaruahnak an ngeih khawh ahcun, Hlan lio Mipi cozah muisam 75% cu hmuh ṭhan dawh kan si. Tlangcung mi le CHIN mi caa belte ah eibar pelte hmanh achuak ve lai lo. Paucan Dohthlennak ah kan pekchan mi kan nunnak le thisen hi Pakpalawng ah aa chuah ve te lai. Federal le Mah tein khuakhan Lairelnak caah Dohthlennak pehzulh kan herh te lai.

MAH I Strategic planning cu, an kan tei lo ahcun, Amay Suu kha a thlah lai I, Amay Suu bia in daih ter kha asi. Bia an ceih zawk zawk lai, thong an thlak lai, an ngaihthiam lai I, an luat ter lai, chiatserh biakamnak he, cu hnu ah Mipi cu Amay Suu nih an kan lemsoi te lai. Kawlte mipi le Kawlte party pawl caah Chrismas atlung lai nain, CHINISM le Amyotha Politicians rual caah cun Chunmui atlung ve lai.

NUG, NUCC, ICNCC, EAOs, CDF, PDF vialte cu Amay Suu nih an kan vaivuan dih te lai. Tulio nakin kan ram ah let sarih tam in thisen a luan rih khawh mi asi nain, Kawlte umnak ah siloin, Tlangcung mi hna ram le Vawlei ah asi te lai. NLD le Amay Suu kaltak le kaltak lo cu cu tikah kaa theih te lai. Tu cu NLD, NUG, NUCC, ICNCC le PDF ah hin fek tein dirh rih kolang. Hmailei kong cu hmailei nih amah tein Lairel ve te koseh. ZTC

Post Views: 8

Kani Peng Kahdohnak Mipi Ralkap PDF Minung Pa 1 Nih Ram Le Miphun Caah A Nunnak A Peek Than E!!

Be the first to comment

Leave a Reply Cancel reply