Kani Lei A Rak Kai Mi Tilawng Panga Kah A Tong

Tuzing May 25 zinglei ah Chindwin tiva in Kani lei a rak kai mi tilawng panga cu zei bu ti theih lo mi nih lampi ah an kah tiah theih a si.

Ralhrangbu, hriamnam le Rasen a rak phor mi tilawng pahnih le Mawtaw lawng pathum hna cu Moipaitong khua lawnh ah zinglei suimilam 8:30AM hrawngah bu pakhat nih an kah hna mi a si tiah khuami pakhat nih “A tu thil a cang mi hi Mipi vengtu ralkap cu an si lo. Zei bu dah an si ka theih lo” tiah a chim.

Tilawng an kah ruangah nizaan Kinyua phungki inn ah hmun a khuar mi ralhrangbu pawl cu bawmh dingin an i timtuah lio a si tiah theih a si.

“Tuzing lei kha cu khuachungah a dai rih ko. Mahka umhmun a khuar mi hi 100 leng an si. Kinyua he meng 5 lawng a hlat mi Moipaitong lei ah kal an i timh lio ka hmuh hna” tiah Kinyua mi pakhat nih a chim.

Kani peng ah May 22 ah i kahnak a um ruangah Kani ah hmun a khuar mi ralhrangbu minung 100 hrawng nih pawngkam khua hna cu an luhhnawh i inn le lo thilri hna an hrawh caah Kinyua Mipi 3000 leng cu an khua ningin an zaam tiah theih a si.

The Chin Post

Be the first to comment

Leave a Reply

Your email address will not be published.


*