Thil pakhat khat kan ton hnu ah khin kan ton te ding khi a caan ah cun a thei cia mi kan lo tawn. Lungler ralhrang umhmun khurnak(camp) kan lak lio kan rak i hliam hlan ah hin zingka te a si, ruah tlawmpal a sur pah caah inn pakhat ah kan rak i dor, cu inn cu khua he zong a hlat pah ngai mi a si, inn zong hi a tha ngai nain mi an um lo, cu inn ah cun electric hri pakhat inn leng ah ka hmuh, cu lio i ka lung ah a um tuk mi cu, mah inn hi inn tha tuk zong a si ko mi nih le an um fawn lo khua he zong a hlat ko fawn caah mah mei hri khi kawi ka lei in dah a rak hna tiah khua ka ruat,
ralhrang pawl nih bomb an chiah nak hna si sual han ma tiah ka lung ah a um ngai,cu lio ah cun electric mei hri ten nak cerep ka ken caah ten ning law a tha hna ma, bomb an chiah nak hna a si sual lai ti ka phan, ka lung ah a um tuk ko nain zei hmanh cu si lai lo tiah ka ten than lo, kua a ceudeuh thluah mah, kan i kap cang meithal thawng a thang cang caah kal kan i tim i tlawmpal kan kal bak ah khin ruah lo pi in bomb nih a rak kan tlak i kan i hliam hna mi hi si, mah caah cun thil pakhat khat kan ton hnu khin kan ruah than a si ah cun kan ton lai ding a thei cia mi khi a lo mi a tam ngai tawn,
kan pasal tha hna nun nak a liam mi hna zong khi an thih lai hi tlawmpal te tal cu an i theih cia ko men lai dah ka ti, an liam sia hi herh tuk ve ko lai dah, khi ban tuk lio caan kan pasal tha hna nih kan him lai ma him lai lo hmanh an i theih lo lio ah tu ni tiang kan ram buai nak kong ah a theih ter lo mi kan tam tuk rih, thawhbul lei in a lungkhong mi kan tam tuk rih, mah nuamh nak men mah pawkhim nak ca men ah a ruat mi kan tam tuk rih, thih hnu ruak cung lawng ah a daw mi kan tam tuk rih, a thi cang mi bulh nak ca long ah phaisa thawh thei mi kan tam tuk rih,
a nung rih mi a dam rih mi kan pasal tha hna kan ralkap hna khi kan philh tawn hna, cu caah kan lung fim cang seh, a hngilh ter mi pawl i than cang hna usih, kan thih hnu le hliam kan tuar hnu long ah rak kan daw ti hlah uh kan nun dam lio te hin rak kan daw cang uh, riahcaw rak kan rawnh uh, hriam tha kan cawk piak uh, kuan le zeen tampi kan zal ah kan sanh piak uh, kan him nak ding caah Pathian sinah thlacam daithlang hna hlah usih, Lungkhat tein le lungrual tein kan miphun, kan ram chanchuah nak ah thazang chuah chin rih ko hna usih. Laitlang lei na chungkhat na u / nau le na khua ram, na inn le lo him hna seh ti na duh ah cun kan mipi ralkal CNA le CDF hi na dawt hna i na dirhkamh hna a herh, inn le lo tha sak le tuah caan a si rih lo miphun chanchuah caan a si. Crd-Salai Peter Sui Hnin
An unau in Ṭhahnem an kawl, Paamchin an tong cuahmah cang, Russia luziik mibonlo PU ṬIN nih ṭhahnem kawl in Feb 24, 2022 ah Ukraine a ruun, alettalam in a innpa ram Finland le Sweden nih NATO lei ah an mer taak diam, NATO le Europeans ram hna nih Ukraine an dirkamh dih, PU ṬIN cu vava tum in paamchin a tong cang. Myanmar ralhraang luziik mibonlo M.A.H nih ṭhahnem kawl in Feb 1, 2021 ah Myanmar rampumpi AANA A TING ve, alettalam in a innpa ASEAN ram zeimawzat nih hnuchit hram an thawk i NUG tu biaruah a duhmi an um cang, US vs ASEAN meeting zongah hnon aa huah hoi, amah le amah a ralkap thazaang aa zumh ti lo caah Tlangcungmi Hriampu ( EAOs) biaruah ṭi ding phunphai a rot, a zia an hngalh tuk cia cang caah Tlangcungmi Hriampu a ngan pipi phu 4 nih ”NO THANKS” an ti piak diam.
A zenh ngaimi AA nih le last date May 9 tiang ah biafiang an let duh lo..A miphun hawi PDFs tor le cheeng nih le amah do(h) in hriam an tlai dih ngawt fawn.M.A.H zong vava tum in Paamchin timi dihmun a phan cuahmah ve cang. NOTE: Tleicia kan u, hlasak/hlaphuah thiam , SALAI SUN CEU hla ”HMAANCHET NEH HNAAN ṬWEH MA KAIH NAING BU” timi hla kha atu cu M.A.H kan sakter cang hna lai.. Kan nih ramchung ramleeng CHIN Miphun kan dihlak in kan chaizaa a dongh tiang kan rak zam cio caan a si, kan biar fek tein kan rak rengh cio caan zong a si, kan hrukpi kan zuh dih cio caan zong a si i kan samtom kan rak phoih dih cio caan zong a si. Crd-Tawk Cung
Nyaung Oo pengkulh khuate pakhat ah tonbiaruahnak meeting a tuah lio mi khuaukbawi phu hna cu meithal in kah an ton caah minung pathum an nunnak a liam tiah theih a si. May thla 19 ah Nyaung Oo pengkulh Aout Ngein khua in khuaukbawi a si mi U Sein Ye cu a inn ah meeting an tuah lio ah meithal in kahthah a tong tiah theih a si.
” Nizaan suimilam 12:00 hrawngah meeting an tuah lio ah an kah hna tiah theih a si. Hliam a tuar mi cu Nyaung Oo siizung ah an kuat hna i minung pathum hna laakah Ukbawi aa tel lo tiah theih a si, thawng fiang cu theih khawh a si rih lo .” tiah tualchung mi pakhat nih a chim.
Kah thah a tong mi, a nunnak a liam mi khuaukbawi hna cu, Khaing Zaw, Kyaw Kyaw Min, Mg Myint Soe an si tiah theih a si i, Mah thil a caang mi kong he pehtaliin May Lat PDF , TTA , Seven People Defense Force(S.P.D.F)၊ Bagan Heros Guerrilla Force(B.H.G.F)၊ 27 Revolution Force(MGN) phu fonh in an kahdoh mi hna si tiah Facebook cungah an tlah tiin an chim.
Leave a Reply