Kan Ral Kan Tei Khawh Nakhnga Timhtuahnak Kan Ngeih A Herh Cang – NUG Acting President: NUG cozah Ministry Of Defence kuttang ah PDF batallion 257 a um cang i cu he aa pehtlai mi dohthlennak a tuahtu phu 500 fai an um cang caah SAC uknak chuhpiak khawh a si cang nakhnga tiamhtuahnak ngei ding in NUG acting president Duwa Lashi La nih nihin june 14 ah forhfialnak bia a chim.
“Nikum ah cawlcanghnak tampi kan rak tuah cang. 2022 hi cu kan ṭhuthmun sersiamnak caan le zatlang ukhruainak kong ah kan hram fehter ding in i sersiam lio caan a si bantuk in PDF zong batallion 257 fai kan um cang. Cupinah Ministry of Defence (MOD) he i pehtlai in Local PDF zong 500 tluk kan um cang, ti kan theih fawn. Atu nakin pehtlaihnak ṭha deuh kan ngeih khawh nakhnga kan i zuam deuh a hau i, kan ral hna tei chin lengmang kan i zuam a hau fawn,” tiah NUG president nih a chim.
Cupinah Min Aung Hlaing nih tuah a timh mi 2023 rampi thimnak (Election) cu kan hrawh khawh nakhnga ramkhel lei in siseh raldohnak lei zong in, kaphnih in kan cawl hna lai tiah a chim chap. Cred : The Chin Post
Leave a Reply