SAC ralkap buai dawh an si, Min Aung Hlaing um lo kar ah a thlithup in tonnak an tuah
==================================
SAC ralkap bawi Min Aung Hlaing Russia a tlawn kar ah a kuttang bawi Soe Win nih ralbawi dang pawl a thli thup in meeting a auh hna tiah Delta News Agency nih a ttial. Ming Aung Hlaing changtu Soe Win nih cun a ralbawi pawl cu tuzing arkhuang sml 5:00am bak Naypyidaw golf tuknak hmun phan dih ding in zahaan zaan ah khan thawng a thanh. Cu hmun ahcun golf an tu lai, rawl an ei tti nak zong a um lai tiah theih a si.
Hi tonnak ahhin Yangon le Mandalay lampi zawh in nan ra lai lo tiah a ti rih hna. Naypyidaw khuasa mi pakhat nih cun hi thawng hi a dik mi a si ko nain zei ruang ah dah a hlan deuh thawng i thanhnak um loin zaan hnu theng thawng an thanh hna hnga timi bal theihfian mi a um lo tiah DNA sin ah a chim.
Min Aung Hlaing rak don awk ah golf tuknak ah mi vai pumh len cu a herhnak aum tuk fawn lo tiah a chim chap. Tutan SAC ralkap bawi Min Aung Hlaing Russia ram a tlawn ahhin ralkap chungah uknak i chuhnak a um sual lai ti phan ruangah a ralbawi pawl i an nupi le pawl Russia ai tlawnpi hna tiah theih a si.
Hi kong he pehtlai in tlawmpal thiehternak ah tial ka duh mi cu, “Kawl ralhrang ralbawi pakhat (Min Aung Hliang) nih khual a tlawn ah a kuttang mi pakhat a mah changtu kha a um lo karah tuanvo laak dingin a rian khint a si. A Bawipa aum lo karah a thil tuah mi kha a mah nawl a si lo, A cung lei a bawi nih tuanvo a peek ruangah nawl peek nakin rian a tuan mi a si.
A cu kan nih cu siloin Min Aung Hliang khual a tlawn poah ah kan thihter, kan chuah ter kan zaam ter, kha kha a si ko. Min Aung Hliang nawl peek nak thawin tuanvo a laak chungmi kha a si. Soe Win nih a mah nawl in a tuah mi a si lo. Min Aung Hliang nih nawl a peek chung caah Min Aung Hliang nih nawl a peek nak thawngin Min Aung Hliang khual a tlawn karah Min Aung Hlinag nih a nawl ngeihnak kha Soe Win a kutchungah a chiah chung bia a si. Kha kha ralkap sining a kal ning cu a si.
RELCHIH, SNA nih SAC ralkap an bawmh hna i KIA an kah hna, Shanni National Army nih SAC ralkap cu bawm in KIA an va kah hna tiah theih a si. Tuchun sml 1:00pm hrawng ah tlangcung hriamtlai phu a si mi Shanni National Army (SNA) nih SAC ralkap cu an bawmh hna i mizapi lei ah a ttang mi KIA cu an kah hna tiah theih a si.
Win Maw peng kahdohnak ahhin SAC ralkap Brigade 88, Lisho miphun Pyi Tuh Sit le SNA phu thum fonh nih KIA cu an kah hna i tutiang ah an i kap ko rih tiah tualchun mi pakhat nih a chim. Shanni National Army (SNA) hruaitu pa nih cun SAC ralkap he hrim an i fonh in kan ttangtti bal lo tiah Chiapa thla thok ah khan a rak chim bal cang.
Paletwa khuami 2 Zung ah an chuah pi hna, phaisa harsat ruangah Sihni an hlang kho rih lo, Chin ramkulh Paletwa khuapi ah SAC ralkap nih an tlaih mi hna 2 cu ani an khiah mi hlan ah ah Zung ah an chuahpi hna tiah theih a si. SAC ralkap nih Penal Code 505 in taza an cuai mi Paletwa khuami 2 hna hi Pu Maung May Kyawh le Pu Maung Win an si. Nizaan Chiapa 15 ni ah khan Zung ahcun baiceih ding in rak ti mi an si ko nain a liamcia Chiapa 13 ni ah khan Zung ah cun an chuah pi hna.
Asinain zeihmanh an konglam ceih mi a um rih lo, chungkhar he minutes 5 chung hrawng tonnak caan an pek hna, a ralai mi Chiapa 23 ni ah khin Zung ah chuahpi tthan ding an si tiah Pu Maung May Kyawh fanu nih a chim. “Kan nih hin Sihni zong kan ngei rih lo. Sihni hlang nak ding phasai zong kan ngei lo. Ni khat ttuan, nikhat ei dirhmun kan si caah Sihni kan hlang kho lo” tiah a chim chap. Hi hna pahnih hi SAC ralkap nih Pur (June) thla lio ah khan an rak tlaih hna i palik sin ah an an pek hna hnu in tazacuai an si tiah theih a si.
Pehchap, Dawei Thong Le Tayarwaddy Thong Ah Ramkhel Thongtla Minung 13 Fak Tuk In Hrem An Tong, SAC ralkap nih ramkhel kong ah thong an khumh mi hna cu hremnak , namneh nak hna an tuah lengmang . Dawei thong le Tayarwaddy thong in ramkhel thongtla minung 13 cu faktuk in hrem an tong tiah theih a si.
Tanintharyi ramțhen, Dawei thong ah ramkhel thongtla minung 10 cu thonginn zohkhenhtu le a chung rianțuantu hna nih a bu in an tukvelh hna. Thongtla minung 10 hrawng cu July 14 zanlei Sml 5:00 hrawngah thonginn khar caan tanh in tikolh ding ah nan hnu tuk tiah Thonginn No 3 khan uk Aung Zin Htet tel in thonginn rianțuan hna nih an zapi i bawm in an hrem, an tuk, an velh hna tiah theih a si.
Velh a tongmi thongtla hna chung in Sualphawt 505(A) in thong 2 tlak ding nawl chuahmi kum 20 pa pahnih le 505 (A), 19 ( F) sualphawtnak in thong kum thum tlak ding in nawl chuah mi pa pakhat tel in minung 10 hrawng cu faktuk in velh le nanneh an ton hi a si.
Dawei thong chung riantuan hna nih ramkhel kong ah thong a tlami hna cu thonginn riantuan a si tiah bia tlangpi an i chim ter i hramhram in rian an tuan ter hna, phaisa an hal hna, an thleidan hna, bia tha lo phun kip in an namneh hna tiah theih a si. Kayin ramkulh, Baann thonginn in Bago ramțhen, Irrawaddy thonginn ah an thial mi thongtla 3 cu thonginn riantuan tu hna nih an velh hna i hliamfak an tuar tiah theih a si.
BaAnn thonginn in an thialmi Maung Ye Thut Khao, Maung Zaw Win Thut (Baan University) le Maung Banya Win Kyaw (Mandalay) hna pathum cu BaAnn thonginn bawi U Shwe Hla minthut nak in Tayarwaddy thonginn riantuan hna nih BaAnn thonginn ah an thial hna i thongtla minung pakhat nih a ngeih mi zalawnnak hna cu an buar i an namneh hna.
BaAnn thonginn ah thonginn riantuan Tanh Thiha cu ramkhel thongtla hna nih duhlo nak langhter ding in nawl an hal lio ah BaAnn University siang ngakchia, thongtla hna cu meithal in a hmuah hna caah Prison Department in Thanh Thiha cu siang ngakchia hna le mipi hna zalonnak dawn tu sualphawt ding dirhmun,
BaAnn Prison Department, riantuan pakhat pumpak cio cu Kayin ramkulh mipi nih zohchih in an ral hna ding cu an luat nak ding ah BaAnn thongbawi U Hla Shwe nih ramkhel kong thongtla hna cu Tayarwaddy thonginn ah a kuat hna tiah theih a si. BaAnn thong chung thongbawi U ShweHla nih a tangmi thongtla hna cungah fak piin nan hrem lai tiah cung lei in nawl a kan pek tiin thongtla pakhat cio i an co tawk zalon nak cu fak piin thonginn chung phung a buar tiah theih a si.
Kyaihto Ah SAC Ralkap Mawtaw Bomb Puahhnawh An Tong, A Zaam Mi SAC Ralkap Bawi Mawtaw Nih A Pah I A Thi, Kyaihto peng, InnKaBo khua kam ah SAC ralkap mawtaw run cu bombpuah in an tong i SAC ralkap i ralbawi pakhat cu a zaam i mawtaw nih a pah i a thi tiah theih a si. Nizan July 15 zinglei SML 10 :00 hrawngah InKaBo khua SiOng no 2, Lay DaunghKaan Kam ah SAC ralkap mawtaw run cu bomb kan puah hna tiah Tatone PDF Battalion 3 nih a thanh.
Leave a Reply