Pengtlang dang pawl CNA ah phaisa a thawh duh lo pawl khi zoh hna hmanh uh
====================================
Pengtlang dang pawl CNA ah phaisa a thawh duh lo pawl khi zoh hna hmanh uh.CJDC zawng ah zei hmanh an thawh duh hlei lo khi..Mah ti cun USA um Hakha Peng le Thantlang peng kan paw nan kanreh ter dih te lai.
Falam Mindat Tidim ti pawl khi Mihrakhrawl lawng te an si.CJDC e cu e kha e an ti le phaisa thawh vial ah cun’ Hkha thantlang lawng kan si tthiam ko hi ta.CNA/F nih Chinram hriam tlai a huap dih ko I Buthar hriamtlai thar hi uar tuk hlah uh.Thawhbur ah kan re a theituk cang hih . CNA nak in hriamtlai ttha cu kan ser kho hlei ti Lai lo.
A um cia mi le a felfai cang mi CNA ah kan Lungrual duh lo in’ CDF le CJDC Ralkap buthar kanser langmang hi cu lohtlau lam pakhat cu a si ve ko. A um cia mi CNA hmanh kan tthawngter khawh lo I a thar CJDC kan tthawng ter Lai ti cu Vaivonh lam pa khat cu a si ve tiah ka ruah.A hnu ah rakzoh te hmanh uh….zei ngai cu an si ka zum hlei hna lo. Crd-Lairam Bo
Khin Oo peng Latpanhlah Khuami 2 SAC Ralkap kut In An Nunnak A Liam I inn 20 Leng An Khangh!: Sagaing ramṭhen Khin Oo peng Latpanhlah (လက်ပန်လှ) khua cu SAC ralkap nih civil thuam he nihin July 27, zinglei suimilam 9:00 hrawng ah luhhnawh in khuami 2 an thah hna, tiah tualchung mi nih an chim.
SAC ralkap nih khuami Ko Tin Moe Win cu an kahthah hnu ah kum 80 tluk upa cang mi Daw Phua Si cu mei in an khangh ṭhan. Cu hnu ah khuachung inn 20 leng an khangh, tiah theih a si. “Nihin July 27, zinglei suimilam 9:00 hrawng ah SAC ralkap hna cu khuachung ah civil thuam he PDF lemcang in an lut i, Ko Tin Moe Win cu an kah thah. Cun kum 80 a luan cang mi Daw Phua Si cu mei in an khangh leng ah khuachung mizapi inn 20 leng an khangh,” tiah khuami pakhat nih a chim.
SAC ralkap hna nih Khin Oo peng Latpanhlah (လက်ပန်လှ) khua an khangh hnu ah Lawngshi (လောင်းရှည်ရွာ) khua an luhhnawh ṭhan, tiah theih a si. Hpakant Ah Min A Cimh Caah Lungvar Kawlmi 2 An Nunnak A Liam!: Kachin ramkulh, Hpakant(ဖားကန့်) peng Saitmu(ဆိပ်မူ) khuakomh, Muka(မိုးကာ) khua in Sapawh(စပေါ့) khua lei kalnak lam tidil pawng tlangpang cu nihin July 27, zinglei suimilam 9:00 hrawng ah a cim i, lungvar kawl lio mi 2 cu vawlei nih a cimh hnawh hna caah an nunnak a liam, tiah tualchung mi pakhat nih a chim.
A thimi pahnih hna cu lungvar an khoih lio ah an cunglei in vawlei nih a cimh hnawh hna caah tidil chung ah an tla. Mincimh ruangah nunnak a liam mi pahnih hna cu Muka(မိုးကာ) khua mi Maung Naw Naw le Myitgyina khua mi Maung Ma Dan an si, tiah tualchungmi nih cun an chim. Hpakant(ဖားကန့်) lungvar kawlnak hmun ahhin mincimhnak atu le a tu a chuah caah, lungvar kawlmi tam ngai nunnak a liam cang, tiah theih a si.
Yesagyo Peng Ah SAC Ralkap PDF Nih Bomb An Puah Hnawh Hna I 3 An Thi, Magway ramtțhen, Yesagyo peng Kyaukhlekha(ကျောက်လှေခါး) khua pawng Government Tecnological college (GTC) ah umhmun a khuar mi SAC ralkap check gate pakhat cu July 27 chun Sml 2:00 tluk ah tualchung PDF hna nih cycle ah bomb kan hmanh i kan puah hnawh hna i ralkapb 3 an thi tiah Yesayo Revolution Group-YRG sin in theih a si.
Tualchung PDF hna cu SAC ralkap check gate yard 100 aa hlatnak in bomb(mine) an hmanh mi cycle an dir ter i minutes 35 tluk a rauh hnu ah khin palek pakhat a ra i gate chung ah a kal mi. Tool box a hun tik ah a puah hnawh i a. thi colh. Cun a dang ralkap 2 siizung ah an thi tiah theih a si. Cu dohnak cu Yesagyo Revolution Group-YRG, Urban Underground Revolution Force-UURF, Shwe Nyar Myae-PDF le Zarmani Blood Guerilla Army-Myaing i bawm in an tuah mi a si tiah theih a si.
Relchap, Ko Jimmy Te Thihdan Pek Hlan Ah Pau Dohthlennak Ah American Lungput Le Policy, Ko Jimmy te thihdan an pek hnu ah American Policy aa thlen khawh men. MAH nih athah mi 4 ning tein Democracy Activists an si. Ko Jimmy cu American bawmhnak in Kawlram ah Democracy Dohthlennak tuah tu Mingthan pakhat le Hruaitu asi.
Cuhlan American Policy cu: Ukraine Bantukin Bawmh In Thazang Kan Pek lo Nain Paucan Dohthlennak Kan Kaltak Lailo , American Ramdang Vuanci Mr. Antony Blinken nih Thailand atlawm lio a chimh mi bia asi. Ralhrang Kawl Rallokap cu fakpi in Pressure kan pek rih ko lai. American lawng I rinh loin Ramkip nih Pressure nan pek cio nak lai kan sawm hna: Tuluk zong nih hihi cohlan in kan hnatlak pi seh tiah Thai PM Mr.
Prayut Chan O Cha he an tawn nak ah; Mr. Blinken nih a chim. Ukraine bangin Pau Dohthlennak cu American nih papek in kan bawmh lo nain, zeitik hmanh ah kan in philh hna lailo, Lamdang le a thar in kan in bawmh hna lai, tiah, Thailand um Kawlram Democracy cawlcang phu he an I tawn lio ah Mr. Blinken nih a chimh ((10 July 2022, Sunday). Kawlram Democracy ah kir khawh nak ding ah abiapi bik mi ram hna cu: Tuluk le ASEAN hi an si. ASEAN cu Tuluk le American I zuamcawh nak ah abiapi bik asi bangin Kawlram Buaibainak chanchuah awk le Democracy lei kalpi ṭhan awk ah abiapi bik asi rih tiah a nawlh rih.
Thailand um mi Kawlram Mino Democracy phu he an I tawnnak ah Camera a cohlan lo, chungkhar caah a him lo tuk caah asi. Ralhrang nih uknak an lak hnu ah, American nih hohak mi Democracy lei ah kalnak lamthluan le Innka cu MAH nih a phih cang. Rallokap duhning in kalpi mi Democracy lawng kha MAH nih a cohlan.
Democracy adeu / a puk kan ti lai. American nih tuahmi; MAH le SAC Phihkarhnak cu a theihpar a chuak lo ngai caah American a lung a ṭha lo, Washington nih Ukraine cu pumpi bawmh in an bawmh nain, Kawlram mipi cu an kan bawmh khawh lo, Nain, hmailei ah hi nak fak deuh in kan in ṭanhpi hna lai I, kan in bawmh hna lai, tiah Mr. Blinken nih ati. American phihnak ruang ah, a tuahserhnak le mipi an hremhnak, ralhrang rian a ngawl hlei lomi Rallokap cu zeitindah na hmuh hna, tiah Media nih an hal.
Kanmah American le kan Hawikom Ramdang hna he, kan ti khawh mi lam vialte in, a phi kan kawl lai I, Kawlram Democracy lei an kal ṭhan khawh nak lai, biatak tein ṭan kan lak lai I, rian kan ṭuan lai, tiah Mr. Blinken nih a ti chap. ASEAN biachahnak 5 cu MAH telin fek termi asi caah Ralhrang nih tlinter uh; ASEAN biakamnak ah aa tel ning tein, aa tel ding mi vialte I telin (DASSK telin) biaruahnak ngei uh law, Kawlram cu Democracy lei hruai ṭhan awk ah Ralhrang Rallokap cozah cu Mr. Antony nih a nawl hna. DASSK he I tawn uh a ti. Aa tel ding vialte sawm dih uh a ti.
Tuluk Ramdang Vuanci Mr. Wanyi Kawlram ah a kalnak cu Mr. Blinken nih a soisel lo nain, Ramkip nih an hal mi Democracy hi Tuluk nih nan cohlan hrim hrim a herh ti lei in aa silhnalh ve. Mr. Blinken le Wanyi cu 9 July 2022 ah, Indonesia Tikulh minthang Bali ah an I tawn. Ralhrang nih uknak lak ruang ah a rawk cikcek cang mi Kawlram Democracy lei kir ṭhan khawh nak caah Tuluk hi a biapi bik mi nan si. Ralhrang MAH nih Kawlram Uknak alak mi cu: Tuluk nan I hlawk tuk palia bang in, Nan Sipuazi caah an ṭha khun. Kawlram Democracy lei ah aa merh nak ding cu Tuluk cung ah aa hngat tiah Mr.
Blinken nih Wanyi cu ati. EAO le Tlangcungmi he an piatana zong hlan lio nakin a zual deuh. Kawlram mipi tampi an tlikzam nain, Humanitarian biatak tein aum khawh lo mi cu ka cohlan khawh lo tiah Mr. Wanyi sin ah a ti. Suimilam 5 bak bia an I ruah ti asi.
Thailand cu Asia American Hawikom hlun bik asi ko nain, Tuluk he nainiam deuh Bantukin an um caah 21 Century Alliance an ti phah hna. Wanyi cu ASEAN ram ah a kal, Tuluk ram Construction lianpi project kong kha biatak tein a chimrel. Wanyi Khualtlawn nak dih in, Mr. Blinken a kal ve hi asi.
American he I pehtlaih nak karh ding le tharchuak awk ah: senthuhnak thar an ngeih khawh. American hruai nakin Asia Sipuazi Simankin le Khuacan Thlennak lei ah rian ṭuannak ding kong an ceihhmai hna. Thailand nih cucu biatak tein nan hruai khawh caah kaa lunghmui ngai a ti. Indo Pacific cu 21 Century ah American caah abiapi bik mi asi Bantukin, cu he pehtlaih in Hawikom tampi kan herh, Tuluk cu kan Hawikom ṭha bak nan si ati.
Indo Pacific Lamthluanpi ah kannih American kan um zungzal lai, phang hlah uh a ti. Tuluk hi Anaasin ram asi I, IT le Hriamnam lei ah an ṭhancho tuk caah, American nih a ral ah a ruah ko nain, an ram hnih in I remh lonak le I entai nak a zawr khawh nak hnga an I zuam cio. Ukraine ral ah Russia na ṭanh pi cu na palh bak tiah Tuluk cu sual an phawt ve American nih.
Bangkok ah a rak tlawn mi Mr. Blinken cu Mr. Prayut Chan O Cha nih nan kan tlawn caah lunglawmh nak in kan khat; American he nainiam tein Hawikom si cu kan cawnglawmh fawn, American cung ah lawmhnak chimh cawk lo kan ngei a ti. 2014 lio ah Mr. Prayut nih uknak a chut hna caah, American nih tampi Phihkarhnak a tuah. 2019 thimhnak ah Mr. Prayut nih Teinak a hmuh hnu ah hawikomnak lam a tluang ṭhan.
Mr. Blinken Thailand a tlawn nak nih American le Thai pehtlaih nak a ṭhat zia kha a langh ter. Mr. Prayut cu 2019 thimhnak in PM asi I, cu thimhnak nih Ramkhel le Sipuazi Innka tampi a onh piak. Mr. Blinken le Mr. Prayut senthuhnak in Statement an chuah. Democracy cu Asia caah abiapi bik mi asi ti asi.
Democratic Institutions le a zalon mi CSOs hna caah a zalon mi thimhnak cu an hmuitinh le chunmang tlinter tu asi caah hi hna covo hi kan humhim zungzal lai tiah thanh caa ah an tel chih. Biden nih papek bik mi pakhat asi ve mi LGBTQ caah transparency le covo an ngeih zungzal nak lai, kan khumzual lai, kan kilven hna lai I, kan ṭuanchuak zungzal lai tiah an thanh chih. Biden Simankin Lianbik pakhat asimi Green Energy thazang pekmi Company hna le ASEAN he pehtlaih tertu ah Thailand nan si tiah Mr. Blinken nih a thangṭhat hna. Green Energy Simankin caah American nih Thailand ah dollar 2.7 billion investment a pek I a tuah cang. Crd- Zingtincuai Cinzah
Leave a Reply