Bungzung in Halkha lei a rak kai lio ralhrang hna hi 200 in 400 kar poh an si lai tiah zumh si. Leium khua hna cu an zam len cang. A Poi kho takatk e hi ralkap a ra mi pawl hi Halkah ah SAC ralhrang nih ralkap thazaang a chap than men lai tiah theih a si. Halkha lei ah a tu bantuk in Sahrang tthazaaang tam taktak an kal mi hi thin phan taktak a si ko e.
Halkha cu Chin ram ah khualipi bik a si bantuk in SAC ralhrang zong nih uk ding lak ding in an i hmuitimh cem mi a si bantuk in Mipi ralkap CDF zong nih zeitik ah kan lak khawh lai, zei tin dah kan khualipi hi kan kham khawh lai tiin hmuih tinh mi zong a si. Mah SAC ralharng 400 tluk hrawng hi Halkha phan dawh an si tiah theih a si.
Kan Halkha khualipi cu SAC ralhrang nih uk ciammam in uk an kan timh cang ko rua hih, Kan Myanmar chungah SAC ralhrang nih ukding lak dingin a timh bik mi hi Khuapi poah paoh uk aa timh mi a si i, zeitin dah khuapi hi ka control khawh lai i vawlei pi nih cozah a si tiin a ka cohlang lai ti hi aa timh bik mi a si.
Magwe, Sagaing Ramthen Le Kayin Ramkulh Ah SAC RalKap Le Pyosawṭee 35 An Thi. Magwe ramṭhen, Gangaw khuapi le Gangaw nitlaklei ah April 18 zanlei Sml 10:00 hrawng ah YDF le SAC ralkap kahdohnak a chuak i, SAC ralkap bawmh ding in a ra mi mawṭaw cu YDF nih lamtan in an kah hna i Gangaw peng Palik bawi 1, SAC ralbawi 1 le palik 2 an thi, tiah theih a si.
Magwe ramṭhen, Yesagyo peng ah Yee Kone le Yee Kone Kyun karlak ah SAC ralkap le Pyo Saw Htee hna an i cit mi Cycle le mawṭaw cu People Defense Force Yesagyo nih April 19 zanlei Sml 2 hrawng ah bomb puah in an doh hna i SAC ralkap le Pyo Saw Htee 4 an nunnak a liam, tiah People Defense Force Yesagyo nih an thanh.
Zanlei Sml 4 hrawng ah Alay Tuang (အလယ်တောင်) le Guihgyi (ဂွက်ကြီး) karlak ah SAC ralkap hna cu People Defense Force Yesagyo nih bomb an puah ṭhan hna i, a thi mi le hliamtuar kong cu fiang in theih a si rih lo, tiah an thanh. Sagaing ramthen, Swe Boo – Kyauk Myaing lam, Ta On ( တအုံ) khua nitlak lei Kaw khua lamṭhen ah April 19 zanlei Sml 4:45 hrawng ah SAC ralkap le Pyo Saw Htee hna an i cit mi mawṭaw pakhat cu BLACK WOLF – PDF nih an kah hna i, SAC ralkap 3 an thih lengah Pyo Saw Htee 2 hliam an tuar, tiah theih a si.
Cu bantuk in Sagaing ramṭhen, Chuang Oo peng Monyua – Mandalay lam ah SAC ralkap an i citmi mawṭaw hna cu mizapi vengtu ralkap hna nih April 19 ah bomb lung 12 in an puahhnawh hna i SAC ralkap 16 an thi, tiah T.G.R. nih cathanh an chuah. Cu kahdohnak cu Myaing peng T.G.R., B.N.T.F., 11 Brother le B.G.F. (Myingyan ) hna i bawm in an tuah mi a si, tiah theih a si.
Sagaing ramṭhen, Minmu peng Minmu khua helnak lam zong ah Sagaing lei in Monyua lei ah a ṭum mi SAC ralkap 5 cu mizapi vengtu ralkap hna nih April 19 zanlei Sml 3:00 hrawng ah bomb puah in an doh hna i, SAC ralkap 3 an thi, tiah DK PDF sin in theih a si. Cu SAC ralkap mawṭaw 5 cu DK PDF nih hruai in People’s Army to Fight Dictatorship (PAFD) le Saging Underground Force (SUGF) hna i bawm in an kahdoh hna. SAC ralkap mawṭaw 1 a rawk, tiah theih a si.
Cupinah Kayin ramkulh Laykekaw (လေးကေ့ကျော) hmunhma Yeekaan Kone ah umhmun a khuar mi SAC ralkap hna cu KNLA Cobra tatkhuai 3 nih nizan April 19 ah an kah hna i SAC Ralkap 5 an thi, tiah theih a si. Credit: The Chin Post
Yangon-Thawai-Myait Motor Lampi Kahdohnak Ah SAC Ralkap 7 An Thi, Taningtari ramṭhen Yangon-Thawai-Myait motor lampi ah SAC ralkap le tualchung hriamtlai phu hna cu nihin April 20, zinglei ah an i kap i, cu kahdohnak ah cun SAC ralkap 7 an thi, tiah tualchung mi nih an chim.
Thawai pengkomh Tayatchawng peng Tayat Hnakhuah(သရက်နှစ်ခွ) khua le Panpin(ပန်းပြင်) khua karlak ah nihin April 20, zinglei suimilam 5:00 in 7:00 ah kahdohnak a chuak, tiah tualchung mi sin in theih a si. Motor lampi ah kahdohnak a chuah caah Thawai-Myait lampi i khualtlawng mi motor hna cu zinglei suimilam 9:00 tiang an hren hna, tiah tualchung mi nih cun an chim.
Cun, Nizaan April 19, zaan suimilam 8:00 hrawng ah Tayatchawng peng Sawphia khua ah umhmun khuar mi SAC ralkap hna cu tualchung hriamtlai phu hna nih an kahdoh hna. Cu kahdohnak ah cun SAC ralkap 4 an thi, meithal pakhat zong an lak khawh, tiah tualchung hriamtlai phu hna he naihniam in um mi pakhat nih a chim.
Tanhsae Ah SAC Ralkap Kahdoh An Tong I, 3 An Thi : Sagaing ramṭhen Tanhsae khuapawng ah SAC ralkap motor pakhat cu nihin April 20, ah Tanhsae tualchung hriamtlai phu nih bomb puahhnawh in an doh hna caah, SAC ralkap 3 an thi tiah tualchung mi nih an chim. Nihin April 20 chunhnu suimilam 1:00 hrawng ah Tanhsae le Sinnge(ဆင်ငယ်) khua kar ah SAC ralkap pawl cu bomb puahhnawh an si i, a thi mi 3 lengah hliamhma tuar mi zong an um, tiah tualchung mi pakhat nih RFA ah a chim.
“Doh a tong mi SAC ralkap hi minung 20 hrawng an si i, a thi mi minung 3 an si. Tanhsae palik sakhan in motor pakhat nih hliam tuar mi hna cu an thiar hna,” tiah mit hmutu pakhat nih a chim. A luancia April 9 ah Tanhsae peng Inkokka(အင်္ကုက္ကား) khuapawng ah ral vengtu SAC ralkap hna cu bomb puahhnawh in kahdoh an ton hnu ah, Inkokka (အင်္ကုက္ကား) khua cu SAC ralkap nih an khangh, tiah tualchung mi nih an chim. Crd-The Chin Post
Shine ram thlang lei Namh San peng chungah Coh Mee biacehbawi tel in minung pa 9 Palong ralkap ( PSLF/TNLA) nih an tlaih hna tiah theih April ni 19 ah theih a si. TNLA phu hna nih Namh San khuapi peng chungah ritthaisii hlethlai nak an tuah lio ah Coh Mee baiceihtu bawi telin minung pa 9 hna cu lam i tonnak hmun an an tlaih hna tiah theih a si.
Mah an tlaih mi hna pawl kong he pehtlaiin CNI thawngzamh nih TNLA sinah phone in hlettlainak a ngeih ko nain pehhlaih khawh an si lo tiah CNI thawngzamh nih a langhter. Cu pinah Coh Mee biaceihtu tel in minung pa 9 an tlaih mi hna cu SAC ralhrang sinah pehtlainak an ngeih ko hna nain zeihmanh chimphuan mi a um rih lo tiah CNI thawngzamh nih a langhter chap.
A sinain TNLA in mipakhat nih mah an tlaih mi hna kong he pehtlaih in himnak hmun ah kan chiah ko hna tiah Shwe Phi May thawngzamh sinah a chim tiah theih a si. Mah an tlaih mi hna pawl hi biaceihtu a si mi U Maung Maung Aye le anu pi Daw Khin Thay Yi, Biaceihtu Pahnih, Upadi riantuantu pakhat, Catial cazin tlai tu pakhat, Sihni pahnih, junior catial pakhat hna an si tiah Shwe Phi May thawngzamh an a chim.
Namh San khuami pakhat nih biaceihtu telin minung pa 9 an tlaih mi nak kong cu theih a si ko nain a konglam cu fiangfai tein theih khawh an si lo tiah a chim i Thawngfiang le thawng dik taktak cu zeihmanh theih khawh a si rih lo tiah a chim chap.
Leave a Reply