Kan Chim Ram Ah Lomhnak Mitthli A Luang

Global thau organization nih Chin National Army Le Front sinah Dollars Tingkhat le thawngsawmriat an pek.

=============

Global thau organization nih chin hriamtlai phu sin ah Dollars tingkhat le thawngsawmriat an pek tiah thawng kan theih. Cun American ram Washington hrambunh nih homh ahal mi ah dollars tahwngsamli hrawng a chuah tiah kan theih.

Hi bantuk kan ram caah kut in siseh chaw le va in pek chanh nak apee hna cungah Pathian nih umpi zungzal ko hna seh law Pathian nih thluachuah pe ko hna seh. A tu Chin mi lawng si loin Kawlram pumpi nih kan herh bik cu tangka a si.

Hi bantuk in thil atuah mi cungah Pathian nih an um an kal nak ah siseh, atuah an tuan nak ah siseh Pathian tuk nih um pi peng ko hna sehlaw kilveng peng ko hna seh. Kan mah mipi lei zong in kan thut kan um nak in siseh , ka um kan kal nak hmunin thlacaam bom peng ko usih.

Hrangtin Thang, Biatak kan cohlan khawh ti lo caah kan mifim pawl anka an cip dih cang.Laimi cu pakhat le pakhat i cawisan ziacu kan thiam ngai nain mah sining tak tak hngalh lo tiang in cawisan kan hmang mi hi cu a rak poi ko.

Kan rel mi news , kan theih mi news hna hi thongdik maw ,thongdik lo ti zumh a har ko cang , Kan chinram dohthlennak kongkau a thlihran kan zohtik ah ngeihchia ngai a si mi pakhat cu Biadik le thilhman chimh rel kan I harh tuk cang .
Biadik le biahman chimh hi thangchiat le mualpho ah kan ruah I chimreltu hna khi mithalo bantuk in hmuh le huat an tong , cu caah kan mifim pawl anka an cip dih.
Minung kan nunnak ah Pathian pekmi laksawng hi a rak sung lawituk, cheukhat nih business, cheukhat nih politic, cheukhat nih religion ,cheukhat nih military lei tiin ruahnak tha tha pek kan si.
Cu theihhngalh nak hmang in minung kan nunnak caah a herh mi thilhna cu sersiam an rak si, cu theihhngalhnak ngeitu Kan mifim nih Biadik le Thilhman an chimh duh ti lo a si ah cun, kan ram caah zeitluk in dah tih a nung ii , a fak ti hi ,mithmuh kuttawngh bak in kan ram nih a tuar ter lai , cu ro cu kan tefa nih an tuar rih lai.
Idea rules the World ( Ruahnak nih vawlei a uk) ti a si. Ruahnakcheuh timi hi a man a sungtuk, cu caah Cheu khat Ramhruaitu tuanbia kan zohtik ah an ram thancho nak caah an tuah mi thil a hman maw hman lo ti mi positive le negative ruahnak a pekho tuding mifim manphalh in an I chiah hna , cu hnu ah ,ram rian ca biachah nak an tuah.
Cu bantuk in ram Kong ah siseh, miphun ralkap le Mipi kan dirhmun thil sining , biahman le thildik chimh kho tu kan mifim hna anka kan cipter hna hi cu upa lungfim ruah nak a si hrim hrim lo.
Thangthat lawng coduh in thangchiat kan co hlan khawh tung lo a si ah cun ,ramrian kan tuannak hin kan I din law law ah a tha , a ruang cu kan ram le kan miphun Hrawknak sa cun minung pakhat I din le a bu pakhat hrawk kha a tha deuh.
A luan ciami kum zeimaw zat chung khan zohtik ah Bible cawn nak lei hi popular a rak si ngai , a bik in India ah Bible vakai in va dih khi fimhlei ah kan ruah. Bible thiamsang kai minih an chimh mi paoh khi biahman ah kan rel.
Cu hnu tlawmpal ah ramdang kal popular a rak si than hawi, mah khua cia hmanh ah tlangrian tuannak kongkau voikhat khuakhanh bal lomi nih, ramdang an phanh cang ka tein mifim bik le thilti kho bik ah kan ruah than hawihna i , an chimh mi paoh kha biahman ah cohlan an si ve.
Cu ve thiam thiam in ,ni hin ni ah cun Meithal tlaih in ralkap uniform a hruh mi paoh paoh kha khuaram dawtbik le mifim bik ah kan ruah hna I ,an I ruah ve hawi, mah khua le mah ram , mah in ciaah nu le pa hmanh nih chimh hrinh kho lo mi cheukhat kan fanau hna.
Meithal le uniform an i hruh cang ka tein ram a daw tak tak mi ah kan cawisan hna I, an I ruah ve tak tak ko , an chimh mi bia paoh paoh kha biahman le thildik ah cohlan piak an si ,an mah nawl lo in bia ka khat hmanh chimh kho a si ti lo.
Cu ti cun Laimi cu pakhat le pakhat i cawisan ziacu kan thiam ngai nain mah sining tak tak hngalh lo tiang in cawisan kan hmang mi hi cu a rak poi ko. Hi ka zawn ah ka chimduhnak bik cu Biadik le thilhman zohlo in upatnak kan pek hna .
Cu caah ni hin kan dohthlennak le kan I thithruainak zoh tik ah mipi nih biadik le thilhman kan cohlang ngam ti lo ruang ah kan mifim pawl an ka an I cipdih cang ,a ruang cu meithal le uniform nih biadik le biahman ai phuanter ko ti lo.

Be the first to comment

Leave a Reply

Your email address will not be published.


*