Kalaymyo Thlanglei inn 2000 renglo um mi Tintha khua SAC ralkap le Pyu Saw Htee nih mei khangh

August 28, Kalaymyo Thlanglei inn 2000 renglo a um mi Tintha khua cu SAC ralkap le Pyu Saw Htee phu pawl nih mei in an khangh, tiah theih a si.

SAC ralkap le Pyu Saw Htee pawl cu August 28, chunlai 12:00 PM hrawng ah Tintha khua ah an lut i CDM tuah mi Sianguk U Kyaw Min Naing inn mei in an duah/khangh i innpa inn pawl a tlaih, tiah theih a si.

“Hi khua ah hin inn 2000 renglo kan um. Sianguk U Kyaw Min Naing inn in inn dang inn 3 a tlaih i a ciam dih. Mei cu kan va phaal/that ngam fawn lo. An kan thah lai kan phang i inn in kan chuak hna i kan i thup. Kumkhua upa hna le a ngandamlo mi hna lawng kan taantak hna i a dang cu kan zaam dih,” tiah khuami nih an chim.

“Mei a alh cuahmah mi cu SAC ralkap pawl nih meithal he an congh. Va phalh ahcun an kan kah lai kan phang fawn. Mei lawn in inn kip a tlaih/phanh ahcun damlo ruang inn ah kaltak mi pawl cu thinphang an si ko,” tiah khuami pakhat nih a chim, tiah Khit Thit Media nih a tial.

The Hakha Times