Kalaymyo Aungthitsar Sang NLD khuabawi nupi tel in minung 3 cu August 18 zing ah SAC ralkap nih an tlaih hna i tangka sing 70 (Ks.7,000,000) renglo an fir tiah theih a si.
“August 18, 11:00 AM hrawng ah SAC ralkap pawl motor 5 in U Myint Than inn ah an ra i biahal ding kan in ngei tiin an tlaih. Cun, Ko Htwa Po inn ah an kal i amah cu a zaam. A herh mi ca pawl le tangka sing 30 an lak. Cun NLD in U Than Tun inn ah an kal i a nupi Daw Tin Tin Po an tlaih pin ah tangka sing 70 an lak. Mino pa pakhat zong an tlaih i U Myin Than tu cu August 18 zaanlei ah an thlah than,” tuah khuami pakhat nih a chim, tiah Zalen nih a tial.
The Hakha Times
Relchap: Afghan cheukhat raltuknak vanlawng 40 renglo in Uzbekistan ah an zaam
Afghan cheukhat raltuknak vanlawng 40 renglo in Uzbekistan ah an zaam
August 15 ah Taliban nih Afghanistan ram khualipi Kabul cu a vun laak i rammi cheukhat cu Uzbekistan ram ah raltuknak vanlawng 40 renglo in an zaam.
August 16 lio ah khan local media (Uzbekistan ram media) nih Afghan raltuknak vanlawng a phan i minung 600 tluk an si, tiah a thanh.
Hi vanlawng pawl hi, helicopter 26, vanlawng hme mi 21 an si. Helicopter 26 hi Mi-17 ti mi 16, Mi-25 ti mi 5 le UH-60 phun 5 an si. Vanlawng hme mi 21 ah hin C-208 phun 11 le A-29 an si.
The Hakha Times
Leave a Reply