Kalaymyo ,Natchawng khua ah ni zan (May 23) zaan suimilam 9:00 hrawng ah Dalan pakhat cu meithal in an kah hnu ah a um nak inn mei an khangh tiah theih asi. Cred : The Chin Post
Relchap : Yunnan Peng Lihninh Ruangah Mi 3 An Thi, Minung 28 An I Hliam
China ram thlanglei Yunnan peng ah May 21 ah khan 6.4 magnitude fak in lihninh ruangah minung 3 an thi, 28 an i hliam tiah Yunnan peng cozah nih a thanh.
Lihninh hi vulei tang meng 5 ah a hninmi a si, mah lihnin nih a chuahter mi hninhthannak zong a chuak than rih.
Lihninh nak hmun he meng 15 hrawng a hlatnak Dali khuapi ah a um mi 134000 hna cu khamh an si. Lihninh ruangah lam cheukhat a min nain Mei, Telephone le Internet line hna cu a tha ko tiah CCTV nih a chim.
Nizan May 22 zongah China nitlak lei Qinghai peng 7.4 magnitude fak in a hninh tiah China lihninh nak lei tuanvo ngeitu pawl nih an chim.
Leave a Reply