Kalaymyo ah July 1 in August 10 tiang Covid-19 zawtnak in minung 700 nunnak liam

Kalaymyo ah nihin Covid-19 lunghrinh mi minung 6 le Covid zawtnak ngeimi 2 an nunnak a liam

Kalaymyo ah Covid-19 zawtnak lunghrinh mi, mizaw minung 6 le Covid zawtnak ngeimi minung 2 cu August 10 ah an nunnak a liam tiah theih a si.

Volunteer pakhat nih “Covid zawtnak a ngei lai tiah lunghrinh mi, minung 8 le Covid positive mizaw minung 2, an dihlak ah minung 8 cu an nunnak a liam” tiah a chim.

Kalaymyo ah July 1 in August 10 tiang ah Covid-19 zawtnak in nunnak a liam mi dihlak hi 700 hrawng an si cang tiah theih a si.

Covid-19 third wave chung Kalaymyo ah Covid-19 zawtnak chawnhning a karh tuk caah dawr cheukhat hna cu chikhat kharchung an si tiah theih a si.

Stay at Home ding in thanh mi Kalaymyo ah Covid-19 in June, July thla hnih leng chung ah minung 900 hrawng an nunnak a liam tiah theih a si.

The Chin Post