Kalaymyo ah nihin (May27) ah Covid zawtnak ngei mi minung 4 sin in hmuh chap an si, Covid zawtnak ngei mi dih lak ah minung 8 an si, cu chung ah cun minung pakhat a nunnak aliam..
Covid zawtnak hmuh thar mi, minung 4 hña cu , Sanmyo veng in pakhat, Tahan veng in minung 3 an si. Cred : The Chin Post
Relchap : Hakha Education College Lawng ah Sianginn a Kaimi an Um
Hakha khuachung sianghleirun pawl lak ah Hakha Education College (ဟားခါးပညာရေးကော်လိပ်) lawng ah sianginn a kaimi siangngakchia tlawmpal an um, tiah thawng kan theih.
Hakha Education College ah hin siangngakchia zapi 57 an um i, cu chung ah cun atulio SAC ralhrang kut tang ah sianginn a kaimi siangngakchia 14 an um, tiah a fekmi thawngpang hram in kan theih.
“Hakha University ah cun siangngakchia a rak kaimi an um lo. A duhmi rak kai khawh a si,” tiah sayagyi Dr. Lian Za Khup nih University on ni ah The Chin Journal ah a rak chim.
Hakha GTI ah sianginn kai ding in mincazin a pemi minung 6 hrawng an rak um nain ahnu ah an i let tthan i a kaimi ahohmanh an um lo, tiah Technical Students’ Union nih thawngthanhnak an rak tuah ve.
May 24 ah SAC ralhrang nih Myanmar ramchung sianginn apnak an tuah nain Hakha le Thantlang ah siangngakchia a apmi pakhat-hnih lawng an um, tiah thawng kan theih.
The Chin Journal
Leave a Reply