Kalay PDF Le Ralhrang An I Kah Taktak Cang

Sagaing ramthen, Kalaymyo peng ah ralhrang phu le Kalay-PDF kar kahdohnak a chuak, ralhrang phu lei in minung 8 an thi, Kalay-PDF lei in minung pathum hliam an tuar Sagaing ramthen, Kalaymyo peng chaklei Laychia(လယ္ျခား) khua pawng ah ralhrang phu hna le Kalay mipi vengtu phu kar ah nihin September 4, zinglei in chunhnu tiang kahdohnak a chuak than. Ralhrang phu lei in minung 8 an thi.

Mipi vengtu phu lei in minung pathum cu hriam ngan nih a hliam hna tiah Kalay-PDF sin in theih a si. Ralhrang phu hna nih Kalaymyo chaklei, Magway ramthen he a pehnak Inngyun(အင္းကၽြန္း), Yeeshin (ေရရွင္) khua ah lut in mipi umnak inn cu meikhangh in an hrawh piak hna. Laychia(လယ္ျခား)khua lei an kir ah Kalay-PDF nih an doh hna caah chunhnu tiang kaphnih kar kahdohnak a um tiah theih a si. Ralhrang phu hna nih hnahnawhnak a pek hna caah khuachung mipi hna cu a himnak hmun ah zaam in Kalay-PDF ven an si tiah Kalay-PDF nih cathanh an chuah. Khit Thit Media

Shan ramkulh chaklei, MuSe pengkomh Mong Ko (မုံးကိုး)ah ralzaam 700 leng an um ralzaam hna nih tirawl kan herh bik tiah an chim Bawmchantu pakhat nih ” tu lio ahcun tirawl an herh bik. Sii zong an chambau. Nifatin in a rak zaam mi an karh chin ” tiah a chim. Mong Ko peng chung ah khuakomh khua 9 cu ralzaam inntung 150 leng Pa 340, Nu 361, an zapi in 704 an um tiah tu lio bawmchan tu bu chung i hruaitu pakhat nih a chim. Ihphah le Puan hna hlut mi cu an i za ti lo. A phan hmasa poh cu kan phawt hna. Ara than ding mi hna ca a um ti lo. Tirawl an i har.

Ngakchia caah si le ai a herh tuk ” tiah a chim. Mong Ko peng chung ah August 28 le 29 ah ralhrang le MNDAA kar ah kahnak fak tuk in a um caah khuami hna cu August 29 ni ah an zaam hi a si . August 28 le 31 tiang ah ralhrang lei in a tlawn bik a thi mi le a tlau mi minung 80 leng an si. Khua mi mipi lei in kum 10 ngakchia tel in minung 4 an nunnak liam MNDAA lei in ram caah nunnak pe mi minung 2 an si tiah an chim . July thla thawk in atu tiang ah ralhrang le MNDAA kar, ralhrang le KIA hna kar ah tu le tu kahdohnak a um i a ni a rauh deuh caah ralzaam minung 2000 leng tirawl le Siai ah an chambau rang deuh in bawmh an herh. #DVBnewEnterWrite to Dawt Hlei TumAa