KALAY MYO VIRUS A KARHTUK NAK A CHAN CU KHRIHFA HNA RUANGAH ASI TIAH NEWS NIH ACHIM

Pastors hna le church leaders hruaitu hna hmunkhat an khawmpi hna ruangah pakhat le pakhat an I chawnhdih tiah news nih a chim rih. Cu caah mah kong hi nawl neitu hna fakpi I khua an khang hau cang lai tiah an chim nawlh.

Khrihfa asi lomi, biaknak dang a biakmi hna zong khrihfa hna an cung ah an thin a hung ngaingai cang. Khrihfa le biaknak dang hna karlak ah buainak a chuak men cang lai. Biaknak lei buainak cu awlsam te cun phisin kho asi ti lailo. Mahtluk in kan ram a buailio ah, kawl biaknak le chin mi biaknak tiin buainak a chuak sual ah cun, kawl ralkap hna caah cun can tha taktak asi cang lai.

Kawl pawl nih khrihfa hna an muizong an hmuh huam ti hna lo. Buainak lian taktak a chuak sual lai tip hang um ngaingai ko. Covid 19 lio ah hin cun, hmunkhat I umlo deuh hi a tha ko lai tiah kei cu ruahnak ka nei.

Mahtluk kan ram buai ruangah kan buai lio ah, kawlpawl zumhnak dang hna a biakmi hna nih, khrihfa hna ruangah virus a karhtuk an ti cang caah khrihfa hna kan ni ralring taktak a hau. A tu lio thihrai cu hrialkhawh chung hrial ah a tha ko lai . kan mah mipi le mipi hna biaknak ruang I kan buaisual ah cun, kawlrallokap pawl an I nuamtuk lai I, canthi an lak lai an kan thahdih sual lai.

Be the first to comment

Leave a Reply

Your email address will not be published.


*