Covid ruang le SAC uknak lak ruang ah caan saupi khar cang mi Kalay University cu Nihin, May 12 ah on tthannak an tuah cang nain Sianginn kai ding in min a pe mi minung 362 lawng an si tiah kan theih. Kan hnu April 18 khan University kai ding nih min pek khawh le sianginn ap khawh a si cang tiah an rak thanh i May 12 tiang ah Kumkhatnak kai ding minung 60,
Kumhnihnak 72 , Kumthumnak 48 nih min an pek i ”Honorary , le Master’s Degree Courses kai ding minung 72 hrawng le 2020 tanghra awng mi kumkhatnak kai ding minung 104 nih min an pek. Kalay University ah a kai ding mi Sianghgakchia dihlak hi 9175 an si nain a tutiang ahcun,
mimung 362 lawng min pe mi an si rih i Sianginn on nikhatnak ah min pe mi minung 362 chung ah 22 lawng sianginn an kai i 340 an kai lo.Kalay University Caan karlak ukhruaitu zong nih Ram le Miphun caah a nunnak pe mi sianghngakchia hna mithmai zoh in nu le pa hna nih fale sianginn kaiter lo ding in May 6 ah forhfialnak a rak tuah.
Relchap a duhmi caah Thawngpang dang. Thiri Khua SAC Ralkap Gate Karenni Ralkap Nih An Kah, Captain Pakhat Tel In 5 A Nung In An Tlaih Hna. Shan – Karenni ramri, Moebe nitlaklei Thiri khua ah um hmun a khuarmi SAC ralkap gate cu nihin May 12 zinglei ah Karen ralkap phu hna nih an luhhnawh, an kah hna i SAC ralkap Captain 1 telin minung 5 an tlaih hna tiah theih a si. Zinglei Sml 4:00 hrawngah meithal thawng kan theih,
zinglei Sml 6:00 hrawngah SAC ralkap Phekone in hriamngan in an kah, Sml 7:30, 8:00 hrawngah cun vanlawng in an kah tthan hna, Fiang in kan thei rih lo nain SAC ralkap minung 5 a nung in an tlaih hna tiah kan theih,SAC camp ah ralkap pa zeizat an um ti fiang in kan thei lo tiah khuami pakhat nih a chim.Kahdohnak kong ah Karen ralkap lei in cathanh chuah mi cu a um rih lo nain a rauh hlan ah an chuah ko lai tiah khuami pakhat nih Khit Thit Media ah a chim.
Relchap, Kan hnuzarh ah biaceihnak zung pakhat ah holhlet dingin ka kal. A fapa kumtling lo cu. case in thong a tla. Chuah le chuah lo kongah bia cu tazacuaitu lei sihne nih tamlak a hal. Mah a halmi lakah pakhat cu zeidah asi ti ahcun ” Thal sianginn khar chungah na fapa caah zei cawlcanghnak siloah program tibantuk ah telter dingin timhtuahnak na ngeih piakmi a um maw?
A nu nih a lehmi cu ” A um ko, crusade zarhkhat chung kai dingin” tiin a leh.Tazacuaitu nu nih ” Mah crusade zarhkhat lawng kai dingin timhtuahnak na ngeih mi a za lo, a tlawm tuk” tiin a el. A rua hlang ah thal sianginn khar caan kan phan cang lai. Cucaah mino fate a ngeimi paoh nih kan fale sianginn khar thal caan ah nuamhnak cawlcanghnak maw siloah class pakhat khat maw tuahter/kaiter dingin izuam cio hram hna usih. Kan mino pawl hi thal sianginn khar caan ah imanh loin umter hna usih ( keep them busy) , inuamh hna seh, thancho hna seh. Mino a busy mi le anuam mi cu siitha lo tonghtamnak he a hlanh deuh hrimhrim.Crd-Salai Z T Lian
Nizan Vaurawng ah CNF in Spokesperson a simi Salai Htet Ni nih fiangro in a chimmi cu!! MAH nih hranhram in uknak a lak hlan Kum 10 chung ahkhan,Chinland Club hi rak um hlah sehlaw,a tu tiang CNF/A hi kan dir kho ti lai ka zum lo ee a ti,cucu a dikmi zong a si fawn. Ralzaam dirhmun in Ramleng ah Chinmi a thongthong in kan phan nain,kan miphun aiawh in dohthlennak a tuahmi hna CNF caah a bawmtu cu—Hakha le Thantlang in minung 2000 in 3000 karlak aa rak si. 2019 hlan cu $100,00 (tingkhat) a rak chuak bal lo, (Myone dangin zeimawzat te an I tel ve).
Mah chungah CNF/A mawhchiat le soisel a cak ngaimi hna chungin $1 hmanh a thawh duh lomi zong kan rak um len chap rih,an thawng lo tuk e tiah a rak phunzai lenmi nih dang khat!! Nihin ah kan chin miphun pi ca tiangin Chinland Club a theipar tete hun hmuh cu lomhnak mitthli a luang ee!.crd-Salai Tial Thawng
Cycle cawk ding in Mindat peng in Kyauk Htoo khuapiah a kal mi mino pahnih hna cu zarhkhat a rauh hnu tiangah chungkhar he an i pehtlai kho lo tiah theih a si. Kum 20 hrawng lawng a si rih mi Salai Raw Ling le Kum 18 hrawng a si mi Salai Shwe Ling Tan hna cu May hla ni hnih in Aye Skhan khuain Kyauk Htoo khuapi lei ah cycle cawk dingin an kal lio in a tutiang pehtlai khawh an si ti lo tiah chungkhar he aa neihniam mi pakhat nih The 74 Media ah a chim.
” Phaisa ting sarih an i put i khua in Kyauk Htoo khua lei ah an kal. Inn leiin phone kan chawnh hna tikah Kyauk Htoo khua chungah kan lut cang tiah an kan ti. Kyauk Htoo khua chungah lut hlah uh tiah kan ti hna i, minutes 10 hrawng lawng a rau rih lai, mah hnu cun kan call tthan hna tikah phone an tlai ti lo. Kan call tthan hna tik zongah phone a lut ti lo.” tiah a chim.
Mino pahnih an pehtlai kho ti hna lo tiah Kyauk Htoo khua kiangkap ah a um mi gate hna ah le police sakhan ah hlethlai hna tikah an tlai fon hna lo tiah an leh hna tiah theih a si. Police sakhan in kan tlai hna lo tiah an chim tikah Kyauk Htoo khua chung cycle zuarnak le a pawngkam hna ah zohhlainak an tuah hna tik ah zeihmanh a phi chuak a um fon lo tiah theih a si.
” Ni thum , nili chung kan hlet hlai hna. Cycle cawk nak zawr zongah kan va zoh hna tikah cycle cawk loin an kir than tiah an kan leh. Bank hmun an phak lio ah mah hna pahnih cu ralkap pawl nih an check hna i, fung in an tuk, an velh hna i an i kal pi hna tiah pawngkam um mi nih an kan ti. ” ti zongin a chim.
Bia vaivuan pawl kan theih tilkah mah mino pahnih an konglam cu fiangfai tein theih a herh tiah a chim chap. ” An tlai hna i, thawnginn chung an phak hnu zongah, a thah zong an thah hna zong ah, mah thawngpang cu fiangfai tei in theih kan herh.” tiah a chim.
Leave a Reply