Nizaan zinglei suimilam 9:00 hrawngah Regional Command Military Headquarters (Kalay) Aung San Khanma ah ” Sualnak a ngei lomi PDF tintan a dih hraimnam a chiah mi pawl cu nu le pa sinah kuatnak” puai thlahnak puai an tuah ii mah tonbiaruahnak thlahthah puai ah Regional Command Military Headquarters (Kalay) , Regional Superintendent, Kalemyo District Administration phu le president phu chungtel pawl, Kalemyo District Police Chief, Battalion, Brigade Commanders, SAC ralhrang sinah hriamnam a chia mi PDF-Kalay pawl le an nu le pa hna an itel tiah SAC ralhrang news nih thawngthanhnak a tuah.
<a href=”http://www.cherrypar.com/wp-content/uploads/2022/06/E-wi92IVEAo7EZl.jpg”><img src=”http://www.cherrypar.com/wp-content/uploads/2022/06/E-wi92IVEAo7EZl-300×154.jpg” alt=”” width=”300″ height=”154″ class=”alignnone size-medium wp-image-33832″ /></a>
Mipiralkap PDF Yesagyo nih an cahmi meithal le kuan le hriamnam pawl an tlaih piak dih hna timi cu thil dik a si ko tiah Yesagyo pdf nih thawngthanhnak an tuah. Tluangte in a phanhnak ding pakhat lawng a tang cang ko nain vanchiatnak ah motor thil pakhatkhat te a caan sual ruangah ralhrang nih an check i an tlaih dih hi a si tiah an thanh chih. Hriamnam pawl hi PDF pawl nih ei isum in le a baumi phaisa an cawi chap i an cah mi a si. Hriamnam an tlaih dih mi cungah tangdornak he pehzulh in bawmhnak pek rih ding in Yesagyo PDF nih bawmhnaknak an tial chih.
<a href=”http://www.cherrypar.com/wp-content/uploads/2022/06/E-wi92IVEAo7EZl.jpg”><img src=”http://www.cherrypar.com/wp-content/uploads/2022/06/E-wi92IVEAo7EZl-300×154.jpg” alt=”” width=”300″ height=”154″ class=”alignnone size-medium wp-image-33832″ /></a>
Monywa ah nu pakhat inn misual nih an luhhnawh i phaisa nuai thong leng an fir lengah Sui sekyatthar tlang pakhat an lakpiak tiah theih asi. An luhhnawh hi chung laicer pi ah asi. Inn i a um mi nu hi kum 30 cung nu a si. An tlaih i nu a hmai cu plastic in an khuh i kholhnak khan chungah an hrenhkhumh. Cuticun phaisa cu an kawl i Khuatlawnnak bag chungah a chiah mi phaisa kyats nuai 1750 cu an lak i Witsein Sui tlang 10 kyatthar le phone pakhat cu an fir tiah theih asi. A caannak hmun ahcun ralhrang pawl an phanh i kawl hawlnak an tuah nain zeihmanh an hmu rih lo tiah pawngkam hna nih an chim.Ref-Chindwinpost
<a href=”http://www.cherrypar.com/wp-content/uploads/2022/06/E-wi92IVEAo7EZl.jpg”><img src=”http://www.cherrypar.com/wp-content/uploads/2022/06/E-wi92IVEAo7EZl-300×154.jpg” alt=”” width=”300″ height=”154″ class=”alignnone size-medium wp-image-33832″ /></a>
Russia Nih Athapi Chuah In Ukraine Nichuahlei Atuk Liopi Asi Tuhi, Moscow nih nichuahlei Ukraine ah a ummi Donbas pengkulh lak a duh caah, Sievierodonetsk ah Ukraine ralkap le Russia ralkap lampi ah fak ngaingai in tuhi an i kah lio pi a si. Russia nih Ukraine a luhnawhnak ni 100 lengkai a si hnu in ahodah buan a co kho lai, tiin an thazaang umek chuah in an i kap, tiah theih a si. An dirhmun hi suimilam pakhat le khat kar hmanh ah ai thleng lengmang in a um lio a si caah, aho dah a cungah (paih buan bangin) a um, timi belte theih a si rih lo, tiah Sievierodonetsk i bawi pakhat a si mi Oleksandr Stryuk nih a chim. Donbas pengkulh chung i Russia nih a kalpimi kahdohnak vialte lakah hi khuapi i an i kahmi hi a faakbik, tiah theih a si. Moscow nih miakpi in heh tiah a phomh hna caah, khuapi chung inn le lo hna cu rawk nelnul le sawn nelnul in an um dih ngawt cang, ti asi.
<a href=”http://www.cherrypar.com/wp-content/uploads/2022/06/E-wi92IVEAo7EZl.jpg”><img src=”http://www.cherrypar.com/wp-content/uploads/2022/06/E-wi92IVEAo7EZl-300×154.jpg” alt=”” width=”300″ height=”154″ class=”alignnone size-medium wp-image-33832″ /></a>
“Sievierodonetsk khuachung lampi vialte i kahdohnak cu a zualhma ngaingai i, Donbas lei panh in Russia nih a ralkap a vun chap chin lengmang than cang,” tiin Zelensky nih a chim. Kan hnung zarh i Russia pawl buanco kho dengmang an si lio i Ukraine ralkap nih an nawr than khawh hna hnu khan cun, khuapi chung kahdohnak zualhmat lei a panh chinchin than cang, tiin Gov. Serhiy Gaidai nih Monday ah khan a chim bal cang. Donetsk le Luhansk cu Russia nih bomb in a kah hna caah mipi 2 an thi. Bomb kuan 20 lengkai an kah, tiah Ukraine lei nih an chim. Mipi cungah hriamhman kan i tim hrimhrim lo, tiin Russia nih ai pheh len ve. “Zaam dingin mipi pawl caantha kan pek ko hna. Kan hnung zarh ah khan Sloviansk khua in mipi 100 lengkai kan chanhchuah hna. Mipi 24,000 leng an taang rih. A tlai lei hmanh a si ko nain, a tu cu khua chuahtaak caan a si, ti hi mipi nih an i fiang ngai ko cang,” tiin Denetsk governor Pavlo Kyrylenko nih a chim.
<a href=”http://www.cherrypar.com/wp-content/uploads/2022/06/E-wi92IVEAo7EZl.jpg”><img src=”http://www.cherrypar.com/wp-content/uploads/2022/06/E-wi92IVEAo7EZl-300×154.jpg” alt=”” width=”300″ height=”154″ class=”alignnone size-medium wp-image-33832″ /></a>
Donbas a zatceo cu 2014 lio tein khan Russia kut a phan cang i, tutan i Kyiv le Kharkiv in hnung an tolh hnu cun Donbas cu a ningpi in laak lawlaw dingin karhlannak a thok. Ukraine Nih A Herh taktak mi Hriamnaam Phun cu, Meng 50 hlat tiang a kap kho mi multiple-launch rocket system British nih an kuat hna ruangah Zelensky nih an cungah a lunglomhnak a langhter. Hi hriamnaam hi hmui a kheng i, Russia miakpi an tunhnak hmun le hma vialte lamhlatpi in kah khawh dih a si cang. Hi nih hin Moscow nih ai hmanmi a raltuknak plan zong a khupthal a leh khawh cang lai, tiin a lunglomhnak a langhter. “Kan mipi hna kilvennak dingah Ukraine nih hriamnaam tha kan herhtuk, ti na kan theihthiam pin ah, cu kan herhmi hriamnaam thengte pek dingin timhlamhnak na ngeihmi cungah Prime Minister Boris Johnson na chungah kai lawm hringhran” tiin Zelensky nih a chim.
<a href=”http://www.cherrypar.com/wp-content/uploads/2022/06/E-wi92IVEAo7EZl.jpg”><img src=”http://www.cherrypar.com/wp-content/uploads/2022/06/E-wi92IVEAo7EZl-300×154.jpg” alt=”” width=”300″ height=”154″ class=”alignnone size-medium wp-image-33832″ /></a>
Western ram nih long-range rockets system an kan bomh hna ruangah, Russia ramri ah a ummi Ukraine ralkap pawl hi Russia nih a si khawh chungin dawi le thawl khawh kan i zuam ve cang lai, tiin Russia Foreign Minister Sergei Lavrov nih a chim. Western nih long-range missile an bomh hna a si ah cun, a thar in kadang hmunhma kan i hmaithlak chap rih lai, tiin Sunday ah khan Putin nih a chim. Cu ti a chim ni lila ah cun thlakhat chung a kah ti lo mi Kyiv khualipi cu Russia nih bomb in a kah colh, tiah theih a si. Sievierodonetsk in nitlaklei meng 53 hlatnak ah a ummi Sloviansk khua zong cu Russia nih an nawr ngai cang. Russia nih Mi Facang an Fir, Vawlei cung i tirawl donghchah a si lio caan ah, Russia nih Ukraine facang a fir i, zuar chin ai tim, tiah US Secretary Blinken nih a chim. Ukraine nih ramdang sin a kuat tawnmi a facang hna cu kua kho ti lo dingin a kahpiak riangmang hna i, an facang cu a firpiak hna, tiah Blinken nih a chim.
<a href=”http://www.cherrypar.com/wp-content/uploads/2022/06/E-wi92IVEAo7EZl.jpg”><img src=”http://www.cherrypar.com/wp-content/uploads/2022/06/E-wi92IVEAo7EZl-300×154.jpg” alt=”” width=”300″ height=”154″ class=”alignnone size-medium wp-image-33832″ /></a>
Facang man, chiti man, zinaan le non (miawza) man cu Feb. 24 i luhnawhnak an tuah rii in van a tawng. Vawlei pumpi i facang (wheat) ramdang kuatmi vialte lak i cheuthum ah cheukhat tluk hi Russia le Ukraine nih an kuatmi a si. Russia nih ramdang non a kuatu a si fawn i, Ukraine hi kawm le Sun flower chiti a kuatubik a si ve. Tirawl kong i vawleipi nih harnak kan tonmi hi nanmah Russia nih nan tluntermi a si, tiin Monday i UN SC meeting an tuah lio ah European Council President Charles Michel nih Russia UN Ambassador Vassily Nebenzia cu a zozarang in a ziah. “Charles nih rat riangmang in lih le lih rumro i sual an kan kawlmi hi ka ing kho ti bak lo,” tiin Nebenzia nih Reuters ah a chim. Russia nih Ukraine a luhhnawh ruangah Western ram nih a cungah fak taktak in phihkharnak an tuah.
“US treasury, energy secretaries hna le an defence le media luban pawl minung 61 cungah phihkharnak kan tuah ve,” tiin Monday ah khan Russia foreign ministry nih thawng a thanh. US nih a cungah pehtlaiin phihkharnak a tuah caah lehrulhnak a tuahmi a si, tiah theih a si.
Hi kongah US House Press Secretary Karine Jean-Pierre an hal nain a let hna lo.
<a href=”http://www.cherrypar.com/wp-content/uploads/2022/06/E-wi92IVEAo7EZl.jpg”><img src=”http://www.cherrypar.com/wp-content/uploads/2022/06/E-wi92IVEAo7EZl-300×154.jpg” alt=”” width=”300″ height=”154″ class=”alignnone size-medium wp-image-33832″ /></a>
Leave a Reply