Ralhrang nih raltuknak vanlong hmangin Kalay PDF sakhan an kah ruangah PDF sakhan cu a kaang dih. Tuni May ni 14 zingka suimilam pahra hrawngah ralhrang hna nih vanlong in PDF Kalay Tatzin 4nak sakhan cu bomb an thlak hnawh hna ruangah Kalay PDF nih an sakhan an chuah taak.
Hi konghe pehtlaiin Kalay PDF Tatzin 4nak nih an chimmi cu kannih Kalay PDF tatzin 4nak i kan umnak hmun sakhan cu May ni 14 zingka suimilam pahra hrawngah ralhrang nih raltuknak vanlong pathum le helicopter pahnih nih minute 30 an kah. Culawng siloin tanglei in ralhrang 200 hrawng an ra.
Tanglei in a rami ralhrang hna cu ralbawi Zaya Myo le Than Naing nih an hruai hna i PDF sakhan cu an luh hnawh. Kahdohnak ah ralhrang lei in a thimi an um lai. Hriamnam aa thlautuk caah kannih cu hnu kan soh tiah a chim. Tuni sakhan an lak ahhin cunglei zong in an kah hna.
Cunglei in ralhrang hna nih an kan kahnak ah kan pasaltha hliamtuar zong an um. Asinain a nunnak a liammi cu kan um lo tiah an thanh. Kan umnak hmun hna cu ralhrang hna nih an khangh dih. Ralhrang kawlralkap hna nih Kalay thlanglei cu thlathum chung internet le phone line an phih cang caah duhning in thawngpang theih a si lo tiah an chim chih.
Chinland ralkap hna hi phunhsaih le santlai lo hna tiah fawituk in mawhthluk colh awk an silo. A ruang cu Chinland huap in raltuk aa timmi an si kha theih piak hna an hau. Bianabia ah Halkha, Thantlang le Matupi lak hna khin kan ram a dam hlei lo ti an fian. Ral va tuk thlorh lawng kha a silo,Chinland mipi eidin ding tirawl kha ruah chih peng a hau tikha kan pale hna ruahmi asi ko lai caah lungdong le zaangder in maw um lai usih.
Biatak in Chinland ah ral kan thawh tikah khoika in dah Chinland mipi hna eidin awk a rat khawh lai tikha ruah le tuak chih peng haumi asi. Cucu kan ralkap hna nih an ruah chihmi zong a si ko lai. Ralhrang zia cu, Gangaw le Kalaymyo lampi kan chah ahcun Chinmi ral an tho kho lai lo tikha an i ruahchihmi pakhat zong asi ve.
Cucaah Chinland army hna nih hin,Tlangcung Chinram lak lawng hin thil a si kho hlei lo,Chinland ram,a bikin Gangaw le Kalay Valley tal control le lak chih hau tikha an ruah chihmi si ko lai caah khuapi pakhat hnih lak lawng in a za lo tikha an lungchung biahren a si lai.Chinland ah ral a tho-ka te lawng sirih,hi hnu pinlei hin ral taktak cu a tho te lai.
Gangaw le Kalay valley kan lak khawh ahcun,purphiar in khuatluang ah vahvaih len hau ti hnga lo,cucaah Chinland Tlangcungram vial lawng lak a za lo! Kan ram cia simi, Gangaw peng le Kalay valley tal kan kutah humchih hrim haumi si. Mizoram unau nih an kan dawttuk,kan i lawmtuk,nain Chinland ah biatak in ral athawh te tik ahcun,kan eikhim tirawl pek an kan duh zongah an kan pe kho lai lo,a ruang cu, India cozah nih Mizoram miluzat tuak in eidin(facang) a pek le cawkter mi an si ve i, India cozah cu kawl ralhrang he ti le nga btk deng in an umto lio si fawn.
Gangaw peng cu Chinram a si ko nain kawl ralkap uktu hna nih anmah kawlchung,Magwe ram ah an ikhumh,an kan fir, Kalay velley zong cu Chinland ram si ko mi kha; Sagain ramah an ikhumh,an kan fir. Gangaw peng le kalay valley ahkhin,Cite,Facang,thinghak mansung,sui le dar pinah, ti-alh(oil) a chuak dih.
Gangaw peng le kalay valley ah kumkhat chuakmi tirawl,thil mansung hna hi Chinland mipi nih kum thum thiangah kan ei in kan hmang kho dih lai lo.Cutluk ramttha le thilmansung a chuahnak ram cu dahkaw,an kan fir piak cuh,cucu kan lak tthan ahau silo in lak hrimhrim aherh. Cucaah kan Chinland army hna nih hin,kanmah ruah lo deuhmi, a pinlei tiang an hei ruah le tuak mi a um ko tikha fian ahcun,lungthiang tein an leiah kan dir ko hnga. Chin army hna nih hin, Chinland huap ningpi in raltuk an itim,an tu cuahmah tikha a thar in fian piak hna usilaw. (salai william hc)
Kum 2022 Ah Ngeih Dingmi Lungput Kong Rak Rel Ve: Na mit in na hmuh ii na ton lomi cu na Kaa in va chim hlah. Aruang cu bia felfai lo a si kho. Na theihmi bia kha a hman bakmi a si tiah nangmah nih na hmuhton mi lawng kha chim. Na theih lomi bia cu ka thei lo ti kha tih hlah. Ka thei loh ti ko! A thei bantuk in naa umter a si ahcun nangmah lehlam na thil a rit menmen. Mi nih lung in an in cheh ahcun va chep ve duh hna hlah. An in chehnak lung tu kha na dirhmun a feh nakding lungphun ah cangter.
Minung hi kan tthancho, kan lar bakin dohdaltu kan ngei khun tawn. Dodal mi si an duh lo a si ahcun lar le minthan kha ii tim duh hlah. Buainak na ton a si ahcun ii chia rih. Bia na chimmi kha ii dinh ta law buainak cu amah tein an tian dih ko lai. Na sinak kha nangmah tein cawisan ii zuam law minih cawisan le thangthat lawng kha va bawh hlah. Khua a ruat kho lomi minung pawl he buainak na tuah hlah. Annih cu anmah le an caantawk, an sining he aakhat bang in anmah lawng va buai ko hna seh.
Mi nih theih an duh lem lomi biathli kha a chim phuangtu va si hlah. Biahman a si hmanhah, chim dih ding tinak a si lo. Thingthei cu a hmin hnu lawngah lawh ii ei a si bantuk in khuaruahnak zong hi tlamtling te le zei a si ti kha fiang tein a chuak hnu lawngah langhter ding a si. Nangmah le nangmah ka palh ii ti lengmang. Zeicahtiah ka palh ti kan ii theih hi “mi hman, miding” kan s ihram aa thoknak a si. Na thinlung chungah mi huatmi tamtuk ii chiah hlah. Cu nak cha cun kha lio caan ahkhan vawleicung ah keimah lawng hi ka um, tiah ruat law mi zeihmanh huat ding an ngei hna lai lo. Nangmah le nangmah naa huat a si le na palh tinak a si.
Mah le mah ii boachannak ngeihtluk in a tha mi a um lo. Asinain mah lungput nihcun that lo nak le porhlawtnak hmun ah in phak pi hlah she. Tangdor zong hi a tha ko nain, ralchiat tuk nak ah hmang fawn hlah. ‘Hohmanh ka care lo’ ti hmang hlah. Midang na care lonak kha nangmah le nangmah mual naa phohnak zong a si kho. Thil tha tampi tuah hi a sual loh. Asinain a rak kirthan lai tiah ruahchannak he mi va bawm hlah. Mah cu naa bochan a si ahcun a rak kirthan lo sual a si ahcun na thin hunnak mei na alh ter menmen lai. A
NATO phu le a tangti rual hoikom phu hna cu Ukraine rampawng a si mi Poland ah ralkap training colcanghnak an ngei tiah theih a si. Mah ralkap training colcanghnak ah ram 20 leng an si i, ralkap phu minung 7,000 leng an si i, NATO phu chung tel dingin timhlamhnak a ngei mi, Sweden ram zong aa tel tiah theih a si.
Ralkap training colcanghnak cheu khat cu Ukraine ram in 150 Klm aa hlatnak Poland ni chuah lei ah an tuah i, tank, ral tuknak vanlawng, Armored vehicles le raltuknak ti lawng pawlzong an i tel tiah theih a si.
Mah raltuk training colcnahnak ah American ralkap phu pawl tel in, NATO itangti rual pawl zeitindah raltuk cawnnak tuah a si timi cu hlethlainak a that bik caan a si nak kong cu Sweden in tuanvvo ngei tu pakhat nih a cchim.
I fonhin ralkap traning tuahtinak hi Polnad nih ram pakhat khat le hmun dang ramkhat timhlamhnak ngeih in raltuk cawnnak tuah a si lo tiah a chim ko nain, Russia tlerhchawnnak a si hnga ma tiah ramkhel thiam ssang nih an ruah tiah theih a si.
Leave a Reply