Kahdohnak Kan thawk Lai An Ti Ralkap 70 Deng An thah Hna

PRA nih kahdohnak cahmai thar an kau rualrual in SAC ralkap 61 kahthah October 3| People Revolution Army (PRA) nih kahdohnak cahmai thar kan kau cang, ti an thanh hnu ah SAC ralkap minung 61 nihin ah an kahthah hna, tiah theih a si. Nihin October 3 zing 7:00 AM ah Sagaing Ramthen Pale Peng ah SAC ralkap 33 an kahthah hna i 11:30 AM thiamthiam ah (Pungtaung ah) minung 28 an kahthah than hna, PRA lei minung pakhat din tein aa hliam, tiah an thanh.

Kachin ramkulh Putao khuapi ah ralhrangbu hruaitu Min Aung Hlaing cu kal aa tim i “Putao ah Min Aung Hlaing a rat ahcun kan kah lai” tiah Putao PDF nih Oct 3, tuzing ah ralrin peknak cathanh an chuah. Ralrin peknak cathanh an chuah lawng a si lo. Putao khuapi luhnak i ralhrang nih mi lut-chuak an check nak Mulashidi Gate cu Oct 3, tuzing suimilam pakhat hrawngah Putao PDF nih hriamngan he hriamhme he an kah fawn.

Putao PDF nih cun Mulashidi gate an kahnak ah ralhrang lei a thimi an um kho, ralhrangbu hruaitu Putao rat aa timhmi cu kan duh lo, a rat chih ko a si ahcun kan kah hrimhrim lai tiah cathanh an chuahmi a si. Hi cathanh an chuah hlan zongah Putao ah Min Aung Hlaing a ra lai ti thawng a len hmasa lioah Putao PDF nih kahdohnak thok dingin timhcia kan si tiah an rak thanh bal cang. Ref: Khet Thit Media By. Salai CP Lian (The Chin Post CEO)

Tuni October ni 3, kum 2021 ah Sagaing ramtthen, Magwe ramtthen le Tanintharyi ramtthen chungah Min Aung Hlaing ralhraang pawl le People’s Defense Force ralkap hna kar kah dohnak ah Min Aung Hlaing ralhraang lei in 100 hrawng an thi tiah National Unity Government of Myanmar lei nih thawngthanhnak an tuah.

Tuzing suimilam 8:00AM hrawng ah khan Sagaing ramtthen, Pale peng chung ah a rak lutmi Min Aung Hlaing raltuknak motor pa 2 telh in motor dang hna zong Pale People’s Defense Force (PPDF) Battalion 1 in pasal ttha hna nih voihnih kheng te mine bomb in an puah hnanak ah ralhraang lei in 25 an thi.Enter

Sagaing ramtthen, Pale peng chung tthiam Nagarma timi tlang le Nathteik timi zawn ah Min Aung Hlaing ralhraang le Peple Revolution Army (PRA) hna kar ah kah dohnak voihnih bak chuak in ralhraang lei in 60 an thi, mipi vengtu ralkap lei in pakhat hliamhma an pu ve.Enter Tuzing suimilam 8:00AM hrawng ah khan Sagaing ramtthen, Kalay GTI sianginn pawng ah mine bomb thianh tu ralhraang pawl cu Kalay-PDF nih

Mine bomb in an tthuat hna i ralhraang lei in pakhat a thi, cun Tharyagone khua pawng ah PDF nih mine bomb in an phomh tthan hna i ralhraang lei in pa 3 an thi hoi. Mine bomb voihnih bak puah tongmi ralhraang hna cu Kalay peng Panmon Chaung le Aung Chan Thar khua kar ah CNDF le PDF-Kalay nih an phomh tthan hna i ralhraang lei in 10 an thi tthan.Tanintharyi ramtthen, Thayatchaung peng,

Kywaichan timi khua pawng ah tuzing suimilam 5:00AM hrawng khan Min Aung Hlaing ralhraang pawl cu Daung Min timi ralkap phu nih an phomh ve hna i ralhraang lei in pa 10 leng an thih hlei ah 20 leng hliamhma an pu. Magwe ramtthen, Poke myone chung zongah SPGF le Min Aung Hlaing ralhraang pawl voithum bak an i kap, ralhraang nih khuami pa 7 tlai in phawchonnak ah an hman hna, hi kahdohnak a chuakmi ah ralhraang lei in a thimi le hliamhma pumi zat fiang tein theih khawh si rih lo.

Be the first to comment

Leave a Reply

Your email address will not be published.


*