Sagaing ramthen, Kani peng le Buhtalin peng aton nak ah Kani mizapi ralkap phu KPDF(1),le ralhrang kar nizan ah kahdohnak aum i ralhrang lei 10 nak tlawm lo an thi i PDF pakhat hliamhma atuar thinphan ding um lo. Ralhrang nih an kah mi hriamngan kuan ruang ah khuami 7 an hliam tiah KPDF nih an chim.
Nizan November 25 ah Kani-Butalin aton nak hmunah ri lawmh in ara mi ralhrang phu hna cu KPDF (1) nih an bawh hna i an rak kah hna ,an i kah caan asau ngai, mizapi ralkap cheukhat nih an kham hna cheukhat nih an rak kah hna hnu ah hnu kan tawlh khawh tiah mizapi vengtu ralkap chimphuan nak nawlngeitu pakhat nih khit thit media ah achim.
Chin ramkulh Matupi hrambunh ralhrang khah-lah-yiah 304 sakhan cu Nov 25, chunhnu 1:30pm hrawngah CNA le CDF-Matupi nih an kah hna i ralhrang 2 an thi, a tlawm bik 5 hliam an tuar lai tiah CDF-Matupi nih Nov 26, tuni ah cathanh an chuah. CNA le CDF-Matupi hna cu hliamtuar le a thimi um loin hnu an tolh kho tiah an langhter chih.
Ralhrang khah-lah-yiah 304 hna nih hin Matupi-Paletwah lampi i a umkalmi mipi hna cu a a ruang loin an kham, an check hna pinah an tlaih hna i cheukhat an vuak hna caah atu bantukin kan kah hi a si tiah CDF-Matupi nih cun cathanh ah an tial. Source: CDF-Matupi Page Cun sagaing ramthen, Myaung peng November 25 ni ah mi zapi ralkap MUA,
Hna-lung-hlah-lu-meih-gyi phu, Myaung mi zapi vengtu phu-CDSOM, Myaung nu ralkap phu-M2W le Myaung Special People’s Defense Force- MSPDF hna phu fonh nih ralhrang phu hna cu an doh hna caah ralhrang lei minung 7 an thi tiah theih a si. Myaung peng, Nabat khua le Suailae khua kar ah ralhrang phu hna cu PDF phufonh nih bomb puahhnawh in an doh hna caah ralhrang phu lei in minung 6 an thi, minung 3 nih fakngai in hliamhma an tuar tiah theih a si.
Sagaing ramthen Tanhsee ah cycle he i chawkin security hngakmi ralhrang phu hna cu nihin zinglei ah bomb puahhnawh in doh an ton caah minung 3 an thi tiah khuachung ummi nih an chim. Tanhsee peng chungah ralhrang phu security hngak in doh a tong mi hna cu nihin zinglei suimilam 8:00 hrawngah pengkulh biaceihzung hmai ah Tanhsee mi zapi vengtu phu pah-kah-phah nih an doh hna hi a si.
” Cycle he chawkin security an hngalhnak ah an meithal i put in minung 2, 3 phirh in an i chawk, cun zinglei biaceihzung pawng ah bomb puahhnawh an si, ralhrang minung 3 an thi, cycle 1 a rawk” tiah Tanhsee mi zapi vengtu pah-kah-phah in chim phuannak nawl ngeitu pakhat nih a chim. Ralhrang kahdoh an ton hnu ah ralhrang phu hna nih an duhnak hmun poh an kah caah, mipi lei in minung 1 cu ralhrang kuan nih a hliamh tiah theih a si.
Kahdoh ngol a si hnu, kahdoh a chuahnak hmun ah ralhrang phu hna an phan than i, lam an phih cun checkhlatnak zong an tuah tiah theih a si. The Irrawaddy – Yangon ramthen, Dalan peng Hmawsat sang khuabawi zung le Mandalay ramthen Myanmar economic bank no.2 cu nihin zinglei ah meithal in an kah cun bomb zong an puahhnawh tiah khuami hna nih an chim.
November 26, zinglei suimilam 8:00 luan ah 24/83 lam ummi Myanmar economic bank no.2 cu cycle a cit lio mi pa pakhat nih bomb in a cheh tiah theih a si. ” A mah pakhat lawng cycle a cit mi nih bank cu bomb in a cheh, cun a chep tu pa cu palik le ralhrang nih meithal in an kah caah nu pakhat an hliamh” tiah Mandalay khuami pakhat nih a chim. Yangon ramthen, Dalah peng Hmawsat sang um khuabawi zung cu November 26, zinglei suimilam 4:45 ah kutcheh bomb in an cheh cun meithal zong in an kah hna tiah theih a si. Khit Thit Media, The Chin Post
Leave a Reply