Kahdoh thawngpang

Thlakhat chung ah Ralhrang 1300 nak tlawm lo an thi tiin NUG nih cathanh a chuah, October 7 in November 6 tiang PDF le Ralhrang kar kahdohnak ah Ralhrang lei 1300 nak tlawm lo an thi tiin NUG, Ministry of Defence nih cathanh a chuah. Thlakhat chung Kawlram pumpi chung Kahdoh nak voi 207 a tho i Ralhrang lei in 1309 an thi,

463 hliamhma an pu tiin NUG Ministry of Defence nih November 11 ah cathanh a chuah. Ralhrang Council nih thlakhat chung ah Hramhram in palhnak a tuah mi Voi 197 asi i Ralhrang kut in Mipi 313 an thi, 63 hliamhma an pu Cu pin ah Ralhrang nih thlakhat chung ah mipi 426 an tleih hna tiin NUG, Ministry of Defence nih cathanh an chuah. Crd-IBE Photo – NUG, Ministry of Defence

Nawlngeihnak Lak Hnu Ni (283) Chungah Thah A Tong Mi (1252) An Si Cang AAPP nih November 10 ni tiang cazin a lakmi a thanh ningah ralhrang nih hramhram in uk nak laak hnu ni (283) chungah an thahmi (1252)an si cang tiah theih a si. Tlaih a tongmi (9979) an si . Tlaih ding in nawlchuah mi 1954 tiang ansi cang. Than Lwin Times

Yangon khuapi chung Tamuai le Mingalar Taungngwenh, hmun hna ah EPC ruanttuantu le thilthuam sawhsawh in a thuammi ralkap nih mei an chah tiah a hmun ummi hna sin in kan theih. November 11, tuzing thok in thilthuam sawhsawh bantuk in a thuammi ralhrang pawl telh in minung 7 tluk nih Meiman a pe lomi inn pawl cu mei an chah piak hna tiah Tamuai ummi pakhat nihcun a chim. Catlap an i ken i meiman pe lomi inn paoh mei an an chah piak hna i an kam in thithuam sawhsawh he meithal a tlaihmi pawl nih

An ven hna tiah pawngkam mithmu tu nih a chim. Tamuai peng hrawng ahhin kan hnu thla hrawng khan an rak chah pah cang nain tlawmpal an dai i a tu a thar in an chah tthan hi asi. Tutan an chah nak hna inn pawl hi meiman a kai tuk caah meiman a pe kholomi an tam deuh caah asi. Yangon khuachung ah meiman pe lomi inn hi mei an phiat hna hi a luancia thla 3 hrawng khan an thok cang . Mizzima