Kahdaihnak minthut mi NCA cu a rawk cang tiah KNU Concerned Group nih cathanh an chuah

Ramchung kahdaihnak lungtling in minthu mi (NCA) cu a rawk cang tiah KNU Concerned Group nih nihin September 2 ah cathanh an chuah.

NCA cu 2015 kum, October 14 ni ah tlangcung hriamtlai phu 8 nih lungtling in a voikhatnak minthut mi a si,2018 February 13 ni ah phu dang phuhnih nih lungtling in minthutnak an tuah ve caah, minthu mi dihlak hi phu 10 an si.

NCA minthut nak cu tlangcung hriamtlai hna caah ramkhel lei tinhmi hmun phak khawh lo leng ah,hriamtlai caah hriam a kan thlah ter,2008 phunghrampi tang ummi men a si tiah KNU Concerned Group nih cun a langhter.

Kayin ralkap KNU hmunhma ah nawlngeihnak la tu ralhrang phu hna nih hmunhma lak in an um caah khuami minung 500 hrawng cu ralzaam dirhmun ah an phan.

Tlangcung hriamtlai phu hna le mipi vengtu phu hna nih hramhram nawlngeih lak nak cu a hram in hrawh dih ding in le Federal Democracy dirh khawhnak ding caah lunrual ten raldoh ding in KNU Concerned Group nih forhfialnak a tuah.

The Chin Post