Kah le Doh hau loin an mah Tein An that

Mandalay ramthen,Pyigyitakhun peng Thinpankone palek security hngahnak hmun ah ralhrang Sing Than cu a hna kaw ah meithal in amah tein a kap i amah le mah a nunnak a la tiah an chim. ” Tu hrawng cu 114 in 49×53 lam tiang an phih.Mizawt phor mawtaw zong a phan.

Thin Pan Kone pawng hrawng a si ko” tiah Sayataw nih a chim. Ralhrang Sing Than cu Thinpankone veng, 121lam, 56 lam tonnak ah Security a hngah lio ah MA – 13 meithal in a hnakhaw ah a kap i amah le mah nunnak a lak hi a si.A ruak cu Naan Thun sizung ah an kal pi i amah le amah a that mi a si le si lo cheknak an tuah. – Khit Thit Media

Mandalay ramtthen, Minchan peng, Sin Chaung timi khua ah khua chung veng ding in an chiahmi ralhraang Nay Lin Htet cu a luan ciami September ni 12, kum 2021 ah kha Minchan People Defense Force pakhat simi 27 Revolution Forces timi hna sin ah a zaam, a mah pumpak himnak ding caah tiah tu ni lawng ah thawngthanhnak an tuah.Hi kong he pehtlai in 27 Revolution Forces lei in ttuanvo nei tu nih “

A nih hi kah-pah-sah 21 in ralkap Nay Lin Htet si, September ni 12 chun i minung an i thlen lio ah zaam in 27 Revolution Froces sin ah a rak phan, meithal cu aa ken kho lo, a himnak ding hmanh phanh hnu lawng ah thawngthanhnak akn tuah hi si” tiah a chim. A tu bantuk in 27 Revolution Forces sin ah zam in CDM tuah tu ralkap Nay Lin Htet hi ttuanvo nei tu hna nih a himnak hmun i an kalpi hnu le an chiah hnu ah bawmhnak phaisa Kyat 500000 zong an pek chap.

Shan ramkulh chaklei, Muse in Mungku, Phaungsau lei ah thazaang chap ding in kalmi Min Aung Hlaing ralhraang pawl phur tu motor thluan cu Kokang hriamtlai phu simi MNDAA nih tuni September ni 23, kum 2021 zing suimilam 11:30AM hrawng ah khan RPG zun 4 bak in an tthuat hna tiah thawngpaang theih a si. Motor cung cuangmi hna hi Bridage 99 tangah ummi Min Aung Hlaing ralhraang pawl a si,

Meithal kuan nih teih khawh lomi motor pakhattelh in ralhraang le an riahcaw vialte phur tu motor 27 bak an si, motor 27 ah cun a tlawmbik ralhraang 200 tal cu an cuang hrim hrim lai. A tu bantuk in MNDAA nih RPG in an phomh hna hnu ah Min Aung Hlaing ralhraang pawl cu Lwai Jay timi lam pialnak zawn ah dir in meithal le bomb puah thawng a thang thluahmah, tuni kah dohnak ah hin kaphnih lei in a thimi le hliamhma pumi an um le um lo tu cu thawngpaang fiang theih khawh si rih lo.

Be the first to comment

Leave a Reply

Your email address will not be published.


*