Kachin ramkulh, Vanmaw Civil Hospital kam ah thil a puak

Vanmaw Sii-Inn Kam Ah Thil A Puak

Kachin ramkulh, Vanmaw Civil Hospital kam (OPT) hmai pangpar dum ah May ni 4 zanlei suimilam pahnih hrawng ah fakpiin thil a puak tiah theih a si.

“A puak mi hi a fak ngai. Chun lai hmanhah pawngkam um mi cu kan lau ngai. Vulei zong a hninh dih, meng 2 leiin a puak mi hi kan theih. Mah puak ruangah a thi mi an um thawng belte cu kan theih lo” tiah a hmun um mi pakhat nih a chim.

Vanmaw siizungpi hi siizunguk thawkin CDM an tuah caah khar a si i, April 30 ah khan siizunguk cu ruah lo piin an inn ah a thi hnu May ni 1 in khan ralhrangbu nawl pek ningin CDM a tuah lo mi siizung riantuan pawl nih hun timh lio mi a si.

The Chin Post