Kachin ram Machanbaw peng, Manno khua pawng Malikkha tiva i Vanlawng rawk mi cu pawngkam mipi duhlo na bu in ralhrangbu nih Puta-o LB-46 ah an phurh dih tiah pawngkam mi nih an chim.
“Mah Vanlawng rawk mi hi kanmah nih kan hmuh mi a si, kan caah tuanbia pakhat a si. Hlan lio thilri pakhat a si caah kan khua ah um peng dingah kan duh. Museum pakhat bantuk a si. Ramdang leiin a ngei tu zong si hna seh, a ho poh an rat zongah Mi vialte theih dingah Cozah nih tha tein a kan zohkhenh piak dingin kan nawl hna” tiah a hmun um mi pakhat nih a chim.
Mah Vanlawng hi Voi 2 nak Vulei Ralpi lio ah a rawk mi a si tiah theih a si tiah Pawngkam um mi hna nih an ti.
Ralhranbu nih April 28 ah khan JCB le Mawtaw ngan pi pi he thilri vialte an phorh dih tiah theih a si.
WW-II lio ah a rawk mi Vanlawng hi techin fa hna tiang an theih dingah tuanbia rosung bantukin a tlak nak hmun ah a um peng hi pawngkam ummi mipi nih an duh mi a si.
Mah Malikkha tiva kam ah a tla mi Vanlawng hi Manno khua U Phung Hsian Phung San le U Ah Di Khua te nih ngatlaih ding an kal lio 2020 October 11 ah an hmuh mi a si.
The Chin Post
Leave a Reply