Kachin Miphun Hriamtlaih Kum 61 Tlin Ni KIO/KIA Sin CNF Ca Kuat

Kachin Kum 61 Tlinnak Ah KIO,KIA Sinah CNF Nih Cathial A Tial

==============

“2022 Febeuary ni 5 cu Kachin miphun mipi hna mah le vawlei sersiam khawh nak, ngah than khawh nak ding ah Federal sersiamnak caah Kachin ram zalonnak phu, Kachin ram zalonnak ralkap (KIA/KIO) hruainak in hriamnam tlaih i thawknak ni kum 61 tlinnak Kachin dohhlennak ni cu a sunglawi tuk mi a si.

Mah ni ah Kachin dohthlennak hrauitu pawl le dohthlengtu ralkap nu/pa sinah lomhpinak ukpat nak he dohhlennak kahdohnak ah a nun aa pe mi, Pasaltha/ nusaltha ralkap pawl cu Kachin Miphun sinah ukpat peknak kan langhter.

KIO/KIA kum 61 tlinnak cu Kachin Miphun hriamtlaih dohthlen harnak khualam  ah nun thlanhri pekin harnak, Zuamcawk nak hna cu pah chih in lungthawn, thathawng in dirkhawh nak cu Miphun ramkhel sining a dikmi, Ramkhel zumhnak hram fehnak, hruaitu pawl nih ruahchanh, hmuhning kau he Kachin Miphun mipi hna nih  cohlan thazaang peknak, lungrualnak cung ah a si.

Chin miphun ralkap (CNF) le Chin mipi aiawh in zalonnak, Aa khat mi le atling mi cu itimh i Pang Lung thinlung he cun khat in Democracy, Miphun zalonnak mah tein khuakhan lairel khawhnak, ahram fekmi zalonnak tling a si mi Federal rampi sersiam nak caah kahdohnak thinlung thisa unau a si mi KIO/KIA Kachin miphun hna he hmunkhat ah kut itliahin thazaang dihhlak he dohhlennak ah kan lut lai.

Min Aung Hlaing hruaimi adik loin uknak an lak ruangah tuni Ram pumpi ramkhel, Ral lei, minung le khihhrennak caan karlak ah KIO/KIA lei in Mipi lei ah  lungthawn, thaahawng in dirin ralhrang hruainak cu hrawh in mah le vawlei sersimnak  nawl ngah than khawhnak ding le Federal sersiamnak caah Ral lei, Ramkhel kahdohnak chungah teinak hmuhram ko uh tiah thlazaaacaam piak in hi cakuat hi kan kuat hna .” tiah alanghter.