Nov 1 ah khan ralhrangbu Bochohci Ya Pyih hruaimi National Solidarity and Peace Negotiation Committee (NSPNC) le Kachin Remdaihnak Sertu Bu (Peace Talk Creation Group) le Kachin Baptist Convention (KBC) hruaitu hna cu Naypyidaw ah tonnak an ngei tiah theih a si. PCG in U Laman Gunja le U Khun Aung an kai.
Tutan hi thlanglei hriamtlaibu hna he ramdaihnak kong biaruahnak a um khawh nak dingah ralhrangbu nih karlak riantuantu bu hna tonnak an ngeih a voikhatnak a si. Tonnak ah aa telmi hna pehtlaih khawh an si rih lo caah zei kong dah an i ceih ti theih a si rih lo. Tulio boruak ah KIO he tonnak tuah hlan ah Kachin mipi nih,.
An i tihzahmi KBC le PCG hruaitu hna he tonnak an tuah hmasa hi a si. Ralhrang nih nawlngeihnak na lak hnu March thla ah Wah, Mai La le SSPP hna he tonnak ngeih aa zuam nain a hlawhtling lo. Thlanglei hriamtlaibu dang hna he zong ralhrangbu nih remdiahnak kong ceih dingin an sawm hna lengmang nain atu tiang an hlawhtling kho lo.
Tlangcung hriamtlaibu hna nih ralhrangbu sawmnak cu zeihmanh lehnak an tuah lo tiah theih a si. China he pehtlaihnak dirhmun, ramchung ramleng nawrnak le covid zawtnak ruangah umkalnak a har tuk rih mahca cun lehnak kan tuah rih lonak a si tiah an chim. Ref: BBC
Nizan November 1, 2021 ah khan Sangau khua in, Sangau-1, Sangau-2, Sangau-3, Sangau-4 le Sentetfiang YLA hna nih cun ralzam umnak ding Refugee camp sak tlangrian an tuan. YLA Sub-Headquaters, Sangau nih a record ning ahcun atu dirhmun ah Sangau le a pawngkam khua ah hin ralzam 1400 hrawng an um lio i,
Sangau khua chung lawng ah ralzam 850 hrawng an um lio. Sangau le a pawngkam khua hna ah ralzam umnak refugees camp hi sak cang a si ko nain, ralzam an um dih cang. Ralzam hi tam deuh an luh rih lai zumh a si caah refugees camp dang hi YLA Sub-Headquaters, Sangau tawlrelnak in sak than a si.
Refugee camp sa ding i tlangrian a tuanmi YLA nungak-tlangval hi an dihlak 150 an si i, rian hi an lim deuh lo caah caan rem hmasa bik ah pehzulh a si te lai, tiah thawng kan theih.
Leave a Reply