Pu Ram Khar; 30.6.2022 Chinram Ralkap Cozah le Hakha Um,Thantlang Khua Upa , Pastors te I tonnak kong Fianter nak
============================================
29.6.2022 ,zan ah Thantlang Myone Ohchohzi Hmu (Hakha Um)nih Thantlang Upa pakhat sin ah phone a rak chawnh Thaizing 30.6.2022 chun Suimilam 12 ah Vunci choh nih Hakha khua um Thantlang Upa le Pastors te Cozah Zungpi ah ton an duh hna tiah a rak chimh hnu ah Pakhat cio phone in a kan chimh.
Mah a chimh lio ah hin zei kong caihding le zei bantuk caah auh kan si zong a chim lo . Pastors te (4), Rev. Dr. Lal Uk ,Rev Biak Mawng ,Rev Mel Vin ,Rev. Cung Lian Mang le Khua Upa (3) Pu Lawm Bik ,Pu Ngun Hram , Pu Ram Khar kan kal . Meeting room kan phak ah Chin Cozah lei Upa le Pyine zungkip Lutlai an rak tling dih .
Zing 10:00 am in meeting an rak tuah cang Thantlang lei Upa minung 7 le Thantlang Peng uk pa tiin a dang in an thut nak kam ah hmunhma an kan pek ve . Cu kan thut tlawmpal ah Projector in kawlca in Ca an van tial mi a van lang . “Thantlang Khua sersiam than kong Caihkhan ti nak ” tiah ai tial mi a hunglang . Mah hnu lawngah kanmah Upa cu kan vun i fiang .Mah ca a langh hlan hi zei ah an kan auh kan thei bak lo . Kan Pastor te zong an thei lo .Khua Upa zong nih kan thei lo .
Vuncichoh nih Meeting On nak a chim hnu ah Duh Ttai Hmu nih a chim ve. Cu hnu ah Vunci dang zong nih an chim dih hnu ah Pyine hmu pawl nih an mah he aa pehtlai ning cio in an chim cio . A biapi bik an chim mi le Pyine hmu dihlak an cah mi hna cu “Thantlang kir khawh a si tik ah rianrang te in timhtuah a har lai caah a tu te in nanmah zung (Department) he a pehtlai mi cio in timhtuah nak (Plan) nan nei dih lai tiah Vuncichoh le Duh ttai Hmu nih cun an cah hna . Zei tik kir ding le Zei tik caan nan kir lai ti zong an chim lo ..Cu dih hnu ah Vuncichoh nih Thantlang Upa biachim nak caan a kan pek .
Kan mah lei minung (4)nih kaa khat hnih cio kan chin .Kan dih lak nih kan chim mipakhat cu Thantlang kir than nak le Serthan nak caah hin Pakhat nak Biapi bik mi cu,Mipi kan him nakding (Security) hi a si ko ti hi kan langhter cio . Thantlang inn 1300 lengkai a kanghcang nak kong , Khuachung Ti le Mei a kangh dih nak kong a tu lio dir hmun cun Thantlang kir a fawi lo nak kong kan chim ,Kan mah lei cun Bia tampi kan chim lo .A Ruang cu , March 29, 2022 hnu cun Ram a daih tik ah Thantlang khua Kirthan nak le Sersiam than nak ding kong hi ruah si seh tiah kan ruah . A donghnak ah Vuncichoh nih Rev.Dr. Lal Uk Thlacam a fial i thlacam nak in meeting cu an donghter .
Bia dongh nak ah, 30.6.2022 niah Thantlang Pastors le Khua Upa nih Ralkap Cozah cu “Thantlang kir than nak le Sersiam than nak kong ah an va ton hna ti mi Bia fang ” hi a hman bak lo mi si . An mah Cozah hi Thantlang kirthan nak kong le Sersiam than nak kong ah Bia kanruah bal hna lo . A tu tan hi an mah Cozah lei nih Thantlang Kirthan nak le Sersiam than nak ding kong ah an mah lei nih an i timhtuah mi tu kha an kan theih ter a si ti in kan ruah . Hakha Um Thantlang Upa le Pastors. CRd-Pu Ram Khar
Atu lio ah Thantlang khua sersiam nak he pehtlai in Ralhrang uico pawl khuakhan nak ah aa telmi hna cu an rian tuannak le an tuahser nak(Thantlang uhkangh nak kong) ah Thazaang apemi nansi. Mi thalo hna khuakhan nak ah aa telmi nan si ve.
Thangtlang i anmah tein mifim ah ai ruahmi cenghngia pawl an itel len lai dah. Ho nih fial loiin anmah tein thiam ai cuh fuhmi zuco pawl zong an itel kho. Uico hmanh a tluk lo mi စစ်ခွေး pawl nih inn sak piak nak cha cun ngaidi inn tual bawk inn in chan chung khua sak ka duh deuh.
Khangh dih hnuah remh than ding in lem, ralhrang zia ngai. Mah nakin a poi deuh cu a khangtu he khuakhan ti i tawkuat in biak rih hna, kan miphun hawi hna dah ngai, zoh ngam an ti lo! Nai i Thantlang sakţhannak/remhţhannak khuakhang tu le hrihhawh tu hna kha teh tutan ralhrang buu he tawnnak ah an i tel ve hna maw?
Mah bantuk ralkap sual pawl he khua khan nak poh i a tel mi pastor te hi an min bak i tial langh ter hna leng mang ding an si khrifa bu zong in an rian zong zoh fel ding an si. Thantlang khua upa ai tel mi hna kha tu lio ah cun. Nan caah Dalan an si le nan ralbak an si. Rak fim ve ko hna uh. An i tel ngam ti lai lo.
Pur (June) 30, 2022, cawn ninga ni ah Hakha khuapi ramkulh cozah meeting hall ah Thantlang dirh ṭhannak kong meeting an tuah i Chin ramkulh SAC CM Pu Ngun San Aung nih a telpi hna.
Pu Ngun San Aung nih cun biahmaiṭhi a chim hnuah atu i an tuah liomi meeting cu Thantlang dirh ṭhannak ding kong a sinak, meeting a kaimi ramkulh zungkip ṭuanvo ngeitu hna zong nih Thantlang hi a hlan bantukin a si khawh nakhnga chimrel cio ding, cun meeting ah aa telmi Thantlang khuanu khuapa le Biaknak lei upa hna zong nih Thantlang dirhmun le dirh ṭhannak ah a herhmi zalong tein chuahpi cio ding, a bik in ralzam hna Hakha i ṭhialkamnak kongkau ah ruahnak chim ding, cuti ralzam ṭhialkamnak ah harnak a um ahcun mawṭaw timhtuah piak an si lainak kong le Thantlang dirh ṭhannak kongah a biapi bikmi cu i zumhnak a si caah pakhat le pakhat cungah zumhnak ngeih a herhnak kong a chim.
Cu hnuah North Western Command i Deputy Commander Brigader General Myo Htut Hlaing nih Thantlang kahdohnak ruangah ralzam in a ummi hna an umnak hmunhma ah chiah ṭhannak le Thantlang khuapi a daih khawhnak dingah khuanu khuapa le Biaknak lei hruaitu hna i bawm in rianṭuanṭi a herhnak kong a chim ve.
Cu khawh cun ramri runvennak vuanci Brigader General Han Win Aung nih ramkulh cozah chungṭuan (Secretary) U Maung Maung San nih Thantlang dirh ṭhannak rian ṭuan khawhnak dingah zungkip i ṭuanvo ngeitu hna zong nih a hlankan in timhtuahnak ngeih chung a herhnak kong an chim ve.
Cu hnuah Thantlang lei in Rev. Dr. Lal Uk, khuanu khuapa in Pu Ngun Hram, Pu Ram Khar le Pu Lawm Bik hna nih ralzam hna an tlun ṭhan khawhnak ding le Thantlang dirh ṭhannak dingah ramkulh cozah le ramkomh cozah nih kan tuahpiak seh tiah an duhmi chimrelnak an ngei ve tiah theih a si.
Meeting a kaimi ramkulh level zungkip ṭuanvo ngeitu hna nih Thantlang ṭhanchonak caah an ṭuan cangmi, an ṭuanlio mi le ṭuan an timhmi kong chimfiannak an ngeih hnuah North Western Command Deputy Commander Brigedier General Myo Htut Hlaing nih ruahnak peknak bia a chim hnuah SAC cozah Chin ramkulh CM Pu Ngun San Aung nih meeting kharnak bia a chim i an meeting cu an donghter tiah theih a si.
Thantlang serthannak ding kong ceihhmainak cu 30 Pur chun ah Lai ramkulh, Hakha khua, ramkulh cozah zung tonpumhnak ah an tuah i ralhrang riankhinh Lai ramkulh Chief Minister Pu Ngun San Aung nih biahmaithi chimnak a ngeih.
Ralhrang riankhinh Lai ramkulh Chief Minister Pu Ngun San Aung nih cun ” Nihin tonpumhnak cu Thantlang serthannak ding kongkau ceihhmainak a si, tonpumhnak ah a rak i tel kho mi ramkulh cozah zungkip in tuanvo ngei hna le, Thantlang cu hlan bantukin serthan a hauhnak le, tonpumhnak ah a rak kai kho mi Thantlang khuanu khuapa hna le Pastor hna Thantlang dirhmun le serthannak ding kongkau ah dengteo te’n nan duhmi nan chim khawhnak lai le, A bikin nawlpat kan duhmi hna cu ralzaam mizapi hna cu Hakha ah i thial nak kongkau zongah khuanu khuapa hna he ceihhmainak ngeih, ralzaam mi Hakha ah i thial ding an har ahcun, motor kongkau tuaktan piak an si lai nak le Thantlang serthannak ding ruahchannak a ngeihnak kong zong a chim.
Cun hnu ah ralhrang Northwestern Deputy Commander Gen Myo Htut Hlaing nih ” Nihin i tuahmi tonpumhnak cu Thantlang kahdohnak ruangah ralzaam mizapi an kir than khawh nakhnga le Thantlang cu dai te’n phungning te’n khuapi ah a si than khawh nakhnga, khuanu khuapa hna he hmunkhat ah tangrual a hauhnak kong a chim”.
Cun Thantlang khuanu khuapa Pu Ram Khar, Pu Ngun Hram, Pu Lawm Bik, Rev.Dr. Lal Uk hna nih ralzaam mizapi hna a boruak zoh in le Thantlang khua serthannak ding kong ah ramkulh le rampumkomh tawlrelpiaknak a herhnak kong dengteo te’n an chim.
Leave a Reply