Thawngdang, Kalaymyo Kahdahnak Ah Palik Telh In SAC Ralhrang Minung 20 Hrawng An Thi, An Ruak Zong Laak Manh Lo In An Zaam Tak Hna Kalaymyo Kahdahnak Ah Palik Telh In SAC Ralhrang Minung 20 Hrawng An Thi, An Ruak Zong Laak Manh Lo In An Zaam Tak Hna. Sagaing ramtthen, Kalay peng thlanglei ah 22 April 2022 ah a rak cang mi ရှေရှင် khua kiangkap kahdohnak ah reng ngei mi 3 telh in SAC ralkap le pyisawthi 20 hrawng an thi tiah PDF-Kalay nih cathanh an chuah. Mah kahdohnak kong hen pehtlai in ralbawi Thet Aung telhin SAC ralhrang tam tuk an thi i, minung 11 nih hliamhma an tuar chap, a thimi hna ruak cu a tutiang an char rih hna lo tiah thawngpetu sin in theih a si.
Thawngdang, Myanmar ram pumpi in dohthlennak tuah hnu April 22, 2022 nikhat chung kahdohnak ah SAC ralkap 117 an thi i PDF 2 an nunnak liam tiah Yangon Khit Thit nih a thanh. Cazin ning ah SAC ralkap a thi mi hi Karen ramkulh Myawady peng ah 1, Chin ramkulh Matupi ah 6, Kanpalat ah 1, Sagaing ramthen Won Tu ah 15, Sagaing peng Nyaungpinse(ညောင်ပင်ရှည်) khua ah 30, Ayadaw ah 4, Khin U ah 20, Minmu ah 5, Mandalay-Monywa lam ah 8, Shwe Bo-Khin U lam ah 15,Monywa ah 10, an dih lak 117 an si. Chin ramkulh Kanpalat ah Chin ralkap 1 a nunnnak liam i Sagaing ramthen ah PDF pakhat a nunnnak liam ve.
SAC Nih Nawl Ngeihnak lak hnu Ni (446) Chung Ah Thah A Thong Mi 1782 An Si Cang AAPP nih April 22 tiang thawng a thanh mi ah Myanmar ram pumpi SAC nih uknak a lak hnu ni (446) chung ah SAC ralkap nih an thah mi civil mi (1782) an si cang tiah theih a si. Tlaih a tong mi 13334 tiang an si cang. Tlaih ding in nawl chuah mi 1977 an si. SAC ralkap nih an thah mi hna hi Yangon ah a tam bik an si.
Thawngdang, Covid khamhank sii aa chunh lomi nih Covid zawtnak an karh ter a si ah cun Kokek harnak Upadi ningin dantat nan si lai tiah Paungde pengkulh SAC ralhrang phu nih ralring an pek. Cu ruangah Covid khamhnak sii aa chunh rih lo mi hna nih i chunh ding, Paungde pengkulh ah April ni 22 in Covid khamhnak sii chunhnak hram an thawk cang tiah theih a si.
” Sii aa chunh rih lo mi an um. Cu ruangah ralring pek nak caa an chuah mi hi a si lai. Kan nih cu voihnih kan si chunh cang. Khamnak sii a si caah tlawmpal tal cu an kan khamh khawh lai tiah kan ruah caah kan i chunh. Voithumnak cu kan i chunh ti lai lo” tiah Paungde khuami pakhat nih a chim.
Paungde khuapi ah covid khamhnak sii chunhnak cu April ni 30 tiang chung a si lai i Kum 15-18 kar, kum 18 cung paoh paoh sii chunh a si lai nak kong, Sii chunhnak certificate ngeih lawng ah zalong tein khualtlawn khawh a si lai tiah theih a si.
Leave a Reply