KA Le KNDF Nih SAC Ralhrang Motor Paoh Paoh An Kahdoh

KA Le KNDF Nih SAC Ralhrang Motor Paoh Paoh An Kahdoh

Kareni, Phayusu pengkulh ah SAC ralhrang motor paohpaoh cu Kareni phufonh mipi hmunhimtu ralkap hna nih tuni Maythla ni 7 ah an kahdoh hna caah SAC ralhrang lei minung 20 nak tlawmlo an kahthah hna i, a nung in an tlaih mi hna SAC ralhrang zong an um i, SAC ralhrang motor pa li zong an khangh piak nak kong cu Karenni phufonh sinin thawng theih a si.

” Phayusu pengkulh, Montan khua lei ah a kal mi SAC ralhrang motor paohpaoh kahdoh a si. Ka, KNDF nih an kahdoh. Mihmuh bakin SAC ralhrang minung 20 nak tlawm lo an nunnak a liam tiah theih a si. minung pa 6 hna cu a nung in tlaih an si tiah.” KNDF phu in minung pakhat nih a chim.

Relchap, Kan Ralbawi cheukhat cu Raltuknak hmun ah an kal ti lo a save nak hmun ah, a himnak hmun an um cang tikah zeitluk ral a thawh zongah a tthih hna lo tikah anmah sinah khan kuanpi a rat ve lo tikah khan ralthawh kha anmah caah cun hman awktlak pakhat hmanh a um lo.

A fawinak in cun, kan ralbawi cheukhat khi a tutiang Victoria Camp ah an um i, mah ah khan zei ralkap hmanh an ra rih lo i, an duhnak paoh ah khan kan mino hna kha frontline ah an kuat hna! Anmah kha an kal loh! Anmah kha himnak hmun ah an um, Vanlawng hen Thoh Hlan Zi in a rak zuangmi an hmuh tikah Mizoram ah fuk an tli colh! Vanlawng nih Bomb a tlak lai lo ti an ruahnak Mizoram ah liklak an tli colh.

Video mah link hi hmet law video in a chimmi na ngai kho lai, rak ngai ve hrimhrim, a dik ngai ve>>>><<< https://www.facebook.com/chinlanddaily/videos/531502275162961

Mah bantuk phun ralbawi an um, tikah, mah bantuk kha fawinak in cun ral a thawh tikah khan an kut ah um mi nih ral an tuk tikah khan anmah nih cun ral an tu lo nan an kuttang nih ral an tuk tiah ah khan,, vei… an kuttang mi an thih tuk zongah anmah caah cun thahnemnak kha tampi a um.

Zeidah a tha hnem tiah khan cun, a tu ah minung an thih caan ah bawmhnak kha, kawl ralkap nih kan mino kan ralkap an thah hna tikah mah kha, kan mipi nih, zapi nih, miphun kan lungfak i, nan lungfak cio i, phaisa tam deuh nan thawh. Phaisa tam deuh a lutnak ding ah khan, ral a thawh ah khan phaisa tam deuh a lut tawn kha, elawk tha lo mi khi si.

Lungfah tikah, teirulchamnak dingah phaisa tam deuh nan thawh, thawh cio tikah khan, kan mino raltuk ter kha phaisa lutnak lam tha bik pakhat cu si. Ralthawh hlan, ral a rak thawh lo lio ah khan cun, vei… zeibantuk, phaisa hmanh kha tampi a rak lut kho loh!

Ral a van tho i, tor le cheng a lutmi kha si. Mah tikah Ralbawi hi cu, bawi an si ve tikah vei…. a tu ah boss bantukin an um kho ve mi kha si. A cheukhat ralbawi caah cun ral a thawh tikah phaisa a lut i, anmah ca a thahnem i, mah cu raltuknak hmun an kal ve lo tikah anmah caah cun khat lei ah raltuk hi a nuam ngai mi khi si ti kha hi kan van chim ka duhmi cu si. Credit; Salai Lungthli Tum

Thawngdang Relchap; 1988 Kum I Kawlram Pumpi Buai Hram Aa Thawknak Kong A Peh. Siangngakchia lawng si ti lo in, mi zapi tel in Rangoon khuapi chung ah cun June thla lai in ralkap nih ram uknak nawl an laak ṭhan Septermber thla tiang za lampi cung ah chuak in cozah duhlonak cu ni fatin ngawt in an au an chim hna.- Cozah nih July 1 ni in zan leng chuah lo ding in nawl an rak chuah mi cu zan 8:00 pm in zing 4:00 am karlak ah an hun ṭhumh.

– July 7 ah siangngakchia an tlaih mi hna kan chuah ṭhan dih hna lai timi le July 23 ni ah Masala Party emergency conference tuah lai ding mi kong radio in an thanh. – July 9 ah zan chuah lo ding order an rak chuah mi an laak ṭhan. Sianginn in an chuah mi hna siangngakchia pawl cu anmah le an kainak university ah sianginn kai khawh ṭhannak nawl hal khawh a si lai tiah an thanh.

– July 12 ni ah Shan ram Taungkyi khua i Muslim le Budish pawl karlak ah buainak a chuak mi cu, mah cu lio i Kawlram pumpi cozah dohnak ah an thinlung a ummi leet-thlenter hna ding in cozah nih buainak chuah ding in an forh chom mi hna a si tiah siangngakchia nih an puh hna. – July 18 ni ah Ministry of Home Affairs le Religious Affairs i minister a si mi U Min Gaung a rian in an dinhter. March thla i cozah duhlonak langhter ruang ah lampi i an tlaih mi hna jail car chung i an khumh hna lio ah thaw iap tuknak in minung 41 an thih mi kong ah mawhphorhnak a ngeih mi a cohlan.

– July 23 ni ah Masala party emergency conference an tuah i, Ne Win nih amah tel in party vice-chairman U San Yu, general secretary U Aye Ko, Joint General Secretary U Sein Lwin, Central Committee Executive Members a si mi hna U Kyaw Htin le U Htun Tin cu an rian in an i dinh cang lai nak kong biacahnak bia a chim. Chawleh chawhrawlnak kong ah thlen remh ding in le party pakhat uknak asiloah party tampi (multi-party system) uknak phung hman ding kong cungcang ah mi zapi ruahnak (ပြည်သူ့ ဆန္ဒ ခံယူပွဲ) laak ding in biatung a chuahpi. Hi hna pawl hi an phaw aa thleng mi ralkap bawi hlun lawngte an rak si ve hna.

– Ne Win nih July 23 ni i bia a chim mi ah, ‘hi hnu ah hnahnawh buainak nan chuahpi rih ahcun ralkap auh an si lai, fiang tein nan hngalh awk cu, ralkap nih meithal an kah ahcun thli lakah an kah timi a um lo, ding tein khen ding in an kah,’ tiah tlerhnak bia zong a chim chap. – July 24 ni i an conference tuah peh mi ah Ne Win cu conference a kai mi party palai pawl nih a rian i dinh lo ding in an forh. Chawlehhrawlnak thlen remh ding timh mi a donhkhan khawh tiah multi-party thimnak phung hman ding ah hnatlaknak laak ding in biachuahpi mi cu an al.

– July 25 ah chawlehnak thlen remh ding faakpi in hmalaak ding in kan tuah lai, a sinain zapi ruahnak laak ding cu kan hnatla lo tiah U Aye Ko nih bia a chuahpi. A donghnak ah conference a kai mi nih Ne Win cu party Chairman sinak in i dinh ding ah an hna a tla nain zapi ruahnak (ပြည်သူ့ ဆန္ဒ ခံယူပွဲ) cu laak tuah lo ding in bia an khiah.

– July 26 ah Masala party CC meeting an tuah i Sein Lwin cu party chairman ah an thim. San Yu cu president sinak in i phuahnak nawl an pek nain Kyaw Htin, Aye Ko le Htun Tin tu cu an thim ṭhan hna. Prime Minister Mg Mg Kha cu a rian in an dinhter. – July 27 ah Sein Lwin cu ram President le State Council Chairman ah an thim. State Council Sec-retary ah Kyaw Htin, Prime Minister ah Htun Tin, နိုင်ငံတော် ပြည်သူ့ ဥပဒေ အကျိုးဆောင် အဖွဲ့ ဥက္ကဋ္ဌ ca ah Dr. Mg Mg an thim hna.
– July 29 ah palek nih ex. Brig. Gen. Aung Kyi, AP news reporter U Sein Win le ralkap bawi hlun pakua an tlaih hna.

– August 1 ah All Burma Federation Student Unions nih August ni 8 ah ramkulh Kawlram pumpi ah cozah duh lo langhternak tuah cio dih ding in ca an chuah mi an phawt cio hna. Mah cu thawngpang cu zapi theih khawh awk in BBC le VOA thawng zamhnak nih cat lo in an thanh piak chin hna. Cu lio ah BBC news reporter Christopher Gunness timi pa cu a min a rak laar ngai. Mah cu kar chung zong ah cozah duhlonak cu za lampi ah chuak in an aukhuang lengmang ko hna.

– August 3 ah cozah nih 8 pm in 4 am kar zan chuah lo ding in le minung panga naak tam i buut lo ding in Marshal Law an chuah i ralkap hmai an fonter ko hna nain zapi nih an zul duh hlei lo. Mi tampi an tlaih hna. Duhlonak langhter – demonstration tuah cu an peh thluahmah ko. – August 8 (8.8.88) ni cu masala party (မဆလ ပါတီ) hrawh ding in le socialist phung in ram i hruainak donghter ding in ramkomh Kawlram pumpi chung i khua kip ah cozah duhlonak cu linsa ngai in langhternak an tuah cio hna.

– Mah cu lio ah Rangoon khuapi cu ralkap nih an tlaih an kah lengmang ko hna bu ah ni fatin ngawt in zalampi cung ah cozah duhlonak cu an langhter ko. – August 12 ah ni 18 chung lawng ram president a ṭuannak a si rih mi Sein Lwin cu a president sinak in aa phuak. – August 19 ah Dr. Maung Maung ram president ah an thim.

– August 20 ni zong Rangoon khuapi lawng ah si lo in, Kawlram pumpi khua kip ah cozah duhlo-nak langhter cu an dong lo. Dr. Mg Mg zong a president sinak in chuah i ram pumpi ah multi-party palai thimnak tuah ding in caan karlak cozah ser ding an hal. – August 24 ah Aung San Suu Kyi nih a voi khatnak bik zapi hmai ah chuak in Rangoon Public Hospital hmai ah democracy kong le discipline ngeih ding le lung i rual ding kong a chim.

– August 26 – 28 ni kar chung ah Rangoon khuapi Insein hrenginn le Kawlram hmun dang i hrenginn tampi ah hrengtla pawl buainak a chuak. Hrengtla 9000 tluk an chuah hna ti si. Ran-goon khuapi Insein jail in a chuak mi pawl chung in cheukhat cu an khua thlunnak phaisa an ngei hna lo i, Rangoon khua chung i thlan hmun tehna ah an riak. Thlan cu an bauh hna i thil man ngei an thlak chih mi hna suimilam tibantuk le mithi ruak an sui ha tehna an laak piak hna.

– August 28 ah All Burma Federation of Student Unions (ABFSU) – ဗမာနိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ် (ဗကသ) cu zapi hngalhter in an derh. Min Ko Naing chairman ah an thim. U Nu zong nih ‘Democracy and Peace Party’ timi party a derh ve. – August 29 ni cun Lawyers, Writers, Movie actors le singers pawl zong demonstration tuahnak ah an bu min in an hun i tel ve hna.

Masala party chungtel a thongthong in party chungtel sinak in an chuak hna. – August 31 ah Dr. Mg Mg cozah nih za lampi cung ah duh lo lanhternak tuah an hun phal. Ralkap le palek nih an tlaih an thah mi hna duh lo langhternak ah West Germany nih Kawlram bawmhnak a pek mi DM 65 million cu a phih. Credit; David C B. Ling

 

Be the first to comment

Leave a Reply

Your email address will not be published.


*