Israel Media le Vuleicung Media pawl sinah Israel vulei lei ralkap pawl Palestine ramchung ah an lut ti thawng an thanh. Mahcu theih in Palestine Hamas tapung pawl cu ralrang ngai in an bunker (vulei khawr an cawhnak) in an bawh. Culio ah Israel nih an bunker pawl cu Vanlawng in bomb an thlak hna caah Hamas pawl 100 reng lo an thi tiah theih a si.
Israel nih za a ti rih lo, an hruaitu pawl an tlawm hlan tiang cu kan dai lailo, an thiltuah man a let tampi in an hmuh lai an ti rih. Mah kong hi biaknak lei ah an i lak riangmang i Social Media ah #prayforpalestine tiah an thanh thluahmah.
Mahtin a si ahcun Muslim ram, Middle East pawl nih Israel hi bawmh in an kap lailo ti chim khawh a si lo.
Khatalei ah Joe Biden Cozah nih Iran Nuclear Deal cu nun ter than a timh tiah theih a si i, Iran nih Nuclear a nei ahcun China nakin tih a nung deuh te kho mi a si.
A tu US nih Gas, Petrol, Diesel ah buai nak a ngeih lio a si. Iran nih Oil tam tuk a ngeih caah Iran Nuclear Deal hi a nung than kho men tiah mi cheukhat nih cun an ruah.
Zei a si poh ah US nih a khamh hnuah China nawl nak thawngin UN nih May ni 16 khi Israel le Palestinian buainak hi online meeting in ceih ding ah timh a si.
The Chin Post
Leave a Reply