Insein Thongchung Duhlonak Langter mi Rallokap Nih An Hrem Hna Thongtla 20 Nunnak Liam

Insein Thongchung Duhlonak Langter mi Rallokap Nih An Hrem Hna Thongtla 20 Nunnak Liam Insein thongchungah rallokap uknak duhlonak langhter ruang ah rallokap nih an kah an hrem hna caah minung 20 hrawng an nunnak aliam tiah rallokap cunglei pawl naihniam mi pakhat nih DVB ah a chim.

Duhlonak langhter mi hna hi rallokap nih kahnak hremnak ruangah nu 5 tel in minung 20 an nunnak a liam i Inseun thonguk nak lei rian hna vialte cu rallokap nih tuanvo an lak dih tiah a chim.

Duhlonak langhternak ah atel ve mi thongin riantuantu hna zong tlaih an si.ICRC zong nih thong chung luhnak nawl an hal nain luhnak nawl an pe hna lo.

Yangon ramthen thonguk zung mangki /Bawi U Zaw Zaw nih cun Inseib thong ah rallokap lut in an hrem hna , an kah hna ti mi thawng cu thawngdik lo a si a ti.DVB nih biahalnak cu leh a duh lo.

July 23 zingkaa Insein thongchung ah ramdang thongtla mi hna nih duhlonak an langhter mi hi a si.Duhlonak langhternak ca hruaitu hna hi thongchung ah a zaw mi an tam i sii le ai a tlamtlin lo caah le sualnak dang ngeimi chuah in pohmah 505 (A) tazacuai mi hna cu thlah lo in thongchung ah nawlzulh ding phunthum hna cu hlohpiak ding in an nawl hna.

Insein thongchung ah ramkhel thongtla hna umnak Nu umnak in a thok i uknak duhlonak langhternak cu aa thok mi a si tiah thongtla bawm tu zohkhenh tu phu AAPP nih a chim.

Duhlonak langhternak ah a tel mi hna cu rallokap lei nih faktuk in an tuk an hrem sual hna lai tiah ramkip Tanzung hna le zalonnak phu hna an thin a phang i ICRC zongnih thongchung ah Covid kong ah bawmhchanh khawh nak ding caah July 24 ah cathanh chuah in an nawl hna.

The Chin Post