Yangoon, Innsein thong ah an tleih i an hren mi Lemcang, Model Paing Ta Khun cu Innsein thonginn chung biaceihnak zung nih nihin December 27 ah rianhrang he thong kum 3 thlak ding in bia an chah tiin theih a si. Paing Ta Khun cu 505-က in biaceih piak a si i, a thla in a rauh hnu ah tu bantuk in biachahnak an tuah piak hi a si.
“Nihin hi biachah nak ni a si lo. Mithmu tu dang biahal ni a si. Asinain bia an hal ding mi damlo ruang ah a ra kho lo.Paing Ta khun cu lam zawh lio i a hmanthlak pawl kha an hmuhsak i mah hi adik mi si maw lam na zawh maw tiah an hal. Aw a dik tiah aleh hna i nangmah nih adik na ti ah cun nang mah tein ka sual ko tiah na phuan mi a si an ti i tu bantuk in biachahnak an tuah.
Ko Paing Ta Khun i lawyer cu biachim caan zong a ting lo” tiin Ko Paing Ta Khun i a lawyer phu nih an chim. A si ning tak ah cun evidence tling te in an langh ter dih hnu ah Paing Ta Khun lei in lawyer pawl nih an evidence pawl a dik lo mi kha chim in leh ding a si. Tu bantuk biachah nak hi tu tiang ah,.
Kan tong bal lo tiah Ko Paing Ta Khun lawyer pawl nih an chim. Thongtla ding in bia an khiah mi chung ah a rak tlak cia mi ni kha rel chih ding a si ko lai nain tu ban tuk in biakhiahnak hi cu kan tong bal lo tiah Paing Ta Khun lawyer pawl nih an chim chap. The Chin Post
Leave a Reply