Natchaung khua ah ralhraang nih khuami minung pahra nak tlawm lo an thah hna, December 25, 2021 Sagaing ramthen, Kalay peng, Natchaung khua cu Council ralhraang nih december 23 ah raltuknak vanlawng in an kah hnu in khua chung ah ralhraang pawl an lut i inn an khangh, thilri an hrawh dih pin ah khuami minung pahra nak tlawm lo an thah hna tiah tualchung mi chimnak in kan theih.
Ralhraang pawl nih an kahthah mi hna khuami ruak cu Kalay PDF nih an laak hna. Ralhraang pawl he kaphnih kahdohnak a chuah ca ah a thi mi hna le a thi mi zat kan hngal kho rih lo tiah LDF-Kalay nih an thanh. Natchaung khua cu inn 2000 leng an si. Atu cu an khua ning in an zaam dih i ralhraang pawl khua pawngkam ah an i chawklet tiah tualchung mi pakhat nih a chim. Credit: Khit Thit Media, The Chin Post
Magwae Ramthen, Myaing PDF nih an ser mi Hriam pawl cu December 23 ah an langh ter nak an tuah. Myaing-PDF le peng kip dothlennak phu he i bawmh in kut in ser mi shield le meithal an ser khawh cang i mah meithal pawl hmang in Ralhrang zong kan doh cang hna tiin Myaing-PDF i chimphuannak nawl ngeitu pakhat nih a chim.
Atu cu kan mah tein kan i ser mi hriam pawl mizapi hmai ah langhter a za cang kan ti caah nizaan ah kan langhter mi a si tiin a chim chap. Pauk peng le Myaing Peng i tonnak hrawng ah December 21 le 22 lio zongah Ralhrang phu cu an mah ser mi Bomb a langhlat kahnak bomb pawl in an kah hna i Ralhrang 23 hrawng an thi tiah kan theih.
Leave a Reply