India tilianh ruangah minung 16 an nunnak a liam than,minung tampi bawmhchanh an si

India tilianh ruangah minung 16 an nunnak a liam than,minung tampi bawmhchanh an si India ram nichuahlei ah ruah faktuk in a sur caah minung 16 nak tlawmlo an nunnak a liam than,minung sing 2 le cheu hrawng cu an umnak hmun in a himnak hmun ah thial an si tiah,rianngei tu hna nih ni-hnih ni ah khan an chim.Mi bawmhchanh ding ah vanlawng lei zong in an i tel ve tiah theih a si.

Nunnak a liam mi hna cu nitlak lei Bingaw ramkulh an si i, an umnak inn hna cu tihrah nih a liam pi,vawlei zong a cimh caah minung 11 an nunnak a liam ni tlawm pal ah atu bantukin a can than hi a si.

A luancia mi ni-hnih chung ah khan nitlak lei Binga ramkulh ah rili pahnih ah ti a lian i ramkulh chung ah pengkomh 6 in minung billion cheunak tlawmlo tilianh ruang ah harnak an tong tiah ramkulh pawngkam lei zohkhenh tu vuanci Javat Amatkhan nih AFP ah achim.

Atu nunnak a liam than mi hna minung 16 chung ah hin minung 5 cu ti nih a fanhchih hna ruang ah an nunnak a liam hi a si, a dang nunnak a liam mi hna hi an umnak inn a cimh caah an nunnak a liam hi a si tiah rianngei tu hna nih an chim.Kum 100 sicang mi pitar pakhat le thla 9 si mi nausem telh in ti nih phum mi inn cung ah a phan kho mi hna cu ralkap helicopter nih an chanh hna tiah a chim .

Tikhonnak pakhat nih ti a thlahnak ruang ah, ruahlo in tilianh nak a chuah hnu ah khuami hna cu tlanglei ah lau ngai in an zaam hna tiah theih a si.

India ram tukum furcaan chung ah tilianh ruang le ti phum nak ruang ah minung 250 nak tlawm lo an nunnak a liam cang tiah theih a si tiah CNA nih a tial.

The Chin Post

Be the first to comment

Leave a Reply

Your email address will not be published.


*