Pastor pa cu faktuk in hindu misual hna le polices hna I komh in an vuak caah, sizing (hospital) a phan. Cun pastor pa hin taza an cuai rih. Mipi an duhlo bu in, khrihfa biaknak ah a hruai hna tiah hrakhrol in an puh I taza an cuai. Cu caah pastor pa hi sizung a chuah bak in, court ah bia ceih asi te lai.
UP ram ah khrihfa hna hi Hindu hna nih a nihsawh tuk hna. A bik in, khuate lei um mi khrihfa hna an caah cun hell bantuk asi ko. UP lei ummi hindu hna hi khrihfa hna cungah that chuah an I tim bello. An duh mi an fial hna , rian an tuan ter hna. An vuak hna an thah hna. Cu long si rihlo an biakinn tiang an hrawk piak hna.
An biakinn an hrawkpiak tikah, khrihfa mi tampi cu mi harsa tete an si caah I khomhnak hmanh an nei ti lo. Takhan inn chungte ah I khom I pathian biak kha asi ko.
Hindu misual hna nih polices hna an forhfel hna I, khrihfa hi, a diklo mi biaknak cult an si. Cu caah kan ram hin kan dawipiak uh tiah an ti hna. Cu caah polices le hindu misual hna I kom in khrihffa hna cu, an thawl dawi hna. An vuak hna tikah mi tam u khrihfa hmembers hna cu biak in hmanh ah an I khom ngam tilo.
Pathian kut cak a langte ko lai. Pathian nih a dawtmi khrihfa hna hi a venhim te hrimhrim ko hna lai. Tlacam tu in bawm cio ko hna usih law.
Leave a Reply