Zumhawk a har taktak mi thil asi.khrihfa hna kan caah cun mahnak thawngtha hi a um kho ti lai lo. India president nih India ram hi khrihfa ram ah I cang seH ti duhnak thinlung hrimhrim a nei, ti cu a langtuk cang.
Vawlei cung ah, minung a tam cem nak hmun pakhat asi mi, India ram hi khrihfa ram ah a cang taktak ah cun, kan vawlei pi hi tamtuk a tleng hrimhrim ko lai. India mipi hna nih khrihfa hna faktuk in an hrem hna I an thah mi hna hi, cung lei Pathian nih a zoh kho ti lo ruangah, Pathian nih president Sonia Gandhi hi a nun a thleng mi zong asi kho men tiah zumhnak hna a um.
Mah news hi a hman mi taktak asi ah cun, india ram ah khrihfa a ummi hna kan caah cun, thil tha tampi a chuak te lai. Khrihfa hrem nak le thah nak zong a dai deuh cang lai. India ram ah khrihfa hna nih zalong te in Pathian an thangthat kho cang lai.
Mah bia a chim mi hi a dirpi taktak I, india ram hi khrihfa ram ah a cang kho taktak nak hnga, fakpi in thlacam hna usih. India ram hi khrihfa ram ah a thleng hrimhrim lai tiah zumhnak tampi a um cang. India ram uktu hrimhrim nih mah bantuk bia a chim hi, khuaruah har lei asi.
Khrihfa kan si I, a nungmi Pathian a zumh mi kan si bantuk in, india ram hi khrihfa ram ah a thleng taktak kho nak hnga fakpi in thla cam cio hna usih.
Leave a Reply