India ram ah thar auhnak phung sersiam dingin timhlamhnak an ngeih ruangah June 17 ah khan a voihnihnak lamzawhnak a chuak than i, duhlonak langhtertu lamzawhtu hna nih palek hna cu lung in an cheh, tlanglawng an khangh.
Northern Hasana ramkulh ahcun lungcheh a hmangtu lamzawhtu hna le tlanglawng mei khangtu hna cu palek nih thencheu dingin meithal an puah hnawh hna. Tlanglawng mei an khangh ruangah a kal kho ti lo.
Prime Minister DL.Modi hruaimi India cozah nih ralkap thazang 1.38 millions bak an ngei ko cang nain ralkap thar auhnak phung thar cu kan timhlamh chuahmah lio tiah an thanh hnuin ralkap thar pawl i tuan caan cu tawi ter in kum 4 term in hnatlaknak an ngei tiah theih a si.
Asinain ralkap luhduhmi hna nih kum 4 cu a tawi tuk, kum 4 nakin caan sau deuh nan tuah awk a si tiah an aupi ve.
Zuamcawhtu party le Prime Minister DL. Mody hruaimi BJP party cheukhat hna nih cun hi phung thar sersiammi hi riantuan ngei lomi an tamnak ram ahcun hmailei ahcun riantuan ngei lomi an karh chin te lai tiah an chim.
Ralkap thar cu a hlan ah ke ralkap, ti ralkap le vanlei ralkap tiin anmah dang tein an rak khawmhsuat cang i, a tlangpi in rank niambik nih kum 17 tiang tuannak caan tha an pek hna. Cred : The Chin Post
Leave a Reply