Bihar i Madhubani district ah nu pakhat hnachet le holh kho lo mi cu tleihhrem a si ti theih a si.
Misual hna nih hin an tleihhrem pin ah an mah a theih khawh ti lo nak dingah a mit cu an hrawng piak tiah Palik hna nih an chim.
A mit hi an pahnih bak in an hrawh piak, a mit pahnih hi a tha than lai maw ti cu fiang tein chim khawh a si bak lo. Doctor hna nih a dirhmun hi a ttha lo ngai tiah an chim.
Tuartu nu hngakchia hi nihnih ni ah khan a meheh zuat lio mi cu a hawile he an vahpi hna, Misual hna nih cun caan tha ah an rak hman ve i amah lawngin a um lio ah cun an tleihhrem.
Hngakchia pakhat nih cun thil si ning vialte cu tleihhrem a tong mi nu te chungle hna sinah cun a chim viar.
Tleihhrem a tong mi nu hi an va hmuh ah cun zeihmanh thei lo in a rak um cang, a hmuh le cangka in sizunglei ah an kalpi colh.
Mah thil a cang mi ah hin misual pathum nu tleihhrem tu ah an zum mi hna cu an tleih cang tiah Palik official Satya Prakash nih a chim.
Leave a Reply