INDIA: Russia Lungmeihol Hinak In Lethnih In Tam Deuh Ka Lak Lai
Russia le Ukraine Buai hnu ah Indai le Russia hi an i pehtlaih nak a thuk deuh chin chin mi an si. A tu zongah , Steel serchuahnak ah a biapi bik a si mi Lung Meihol pawl cu Russia ram in hinak lethnih tam deuh in kan lak lai tiah India ram Steel vuanci a si mi Ram Chandra Prasad nih a chim. Tu thla chungah India nih a cah cia mi Lung meihol le Electric mei caah hman in Lung meihol Amount cu atlawm bik in Ton 1.06 Milion a si nak kong zong theih a si.
Mah Amonut cu kum 202o February thla hnu ah India nih Russia sinah lung meihol pawl cu tam bik a si kum a si ti zongin theih asi. Russia ram in India lei ah Lung meihol le Mei chuah nak ah hman mi Lung meihol laknak cu, India ram hi a voi 6 nak a la tu ram a si ti zongin theih a si.
Cu lengah Zinan le a dang thilri serchuahnak pawl cu Russia sinah Hinak tam deuh in cawk a si lai nak kong zong India nih a chim. Phaisa peknak lei zongin Rupee le Ruble in pek a si lai nak kong zong timhlamhnak an ngei tiin theih a si. India cu Russia le Ukraine buainak vote pekmi ah Vote a thla lomi a si ti zong in theih a si.
March 16 In 24 Tiang Gangaw Peng Kahdohnak Ah SAC Ralkap 5 An Thi I PDF 8 An Nunnak A Liam
Magwe ramthen, Gangaw peng ah March 16 in 24 tiang SAC ralkap le Yaw PDF kar kahdohnak ah SAC ralkap 5 an thi i Yaw PDF minung 8 an nunnak a liam tiah Yaw PDF nih March 27 ah an thanh.
March 16 ah pyosawthi nih an ukmi khua pawng ah Yaw PDF tat-khuai 1kah- duh tatseihhmu(တပ်ခွဲ-၁ က ဒတပ်စိတ်မှူး)cu bomb a hmanh lio ah a puak sual i a nunnak a liam. Cun March 17 zing Sml 4 hrawng ah Yaw PDF nih south Khinyian(တောင်ခင်ရန်း) palek sakhan cu hriamngan in an kah i kaphnih kar kahdohnak a chuak. March 18 zong ah pyosawthi nih an uk mi north Khinyian khua cu Yaw PDF le tangrual phu nih an doh hna i kahdohnak a chuak fawn. Cu kahdohnak ah SAC ralkap lei nih hriam ngan in an kah hna caah mipi veng tu ralkap 1 a nunnak a liam i a dang 1 hliam a tuar tiah theih a si.
March 20 le 21 ah south Khinyian palek sakhan in a ra mi SAC ralkap le pyosawthi phu thazaang 120 tluk cu Gangaw PDF tangrual phu nih an doh hna.
March 21 kahdohnak ah SAC ralkap cu Yaw PDF lei nih drone in bomb an thlak hnawh hna. Cun kutser 60mm(မမ) in an kah hna i SAC ralkap captain 1 hliam tuar i 5 an thi. March 22 ah south Khinyian palek sakhan in SAC lei hriamngan le sniper ruangah Yaw PDF minung 6 an nunnak a liam ve tiah theih a si.
March 22 le 23 ah minung thazaang 200 tluk he Hnamkha(နှမ်းခါး) khua lei ah rallam a sial mi SAC ralkap hna cu PDF phu he chikhat kahdohnak a chuah hnu ah SAC ralkap nih Hnamkha, Yehlah(ရဲလှ), Chaungkok(ချောင်းကောက်), le Thase(သာစည်) khua in inn 40, lothlam 2 le motor 1 an khangh tiah Gangaw PDF nih an thanh.
March 24 ah cun SAC ralkap hna cu Hmuaihlay(မွှေ့လယ်) le Moeso(မိုးစို) khua lei ah rallam an sial ruang ah. Yaw PDF nih an i doh than hna nain ralhriam thazaang aa thlau tuk ruang ah hnu an tolh than tiah theih a si. Kahdohnak a dih hnu ah SAC ralkap nih Moeso khua inn 90 le Hmuaihlay khua inn 6 an khangh i Hmuaihlay khuami pakhat zong an thah ta tiah Yaw PDF nih an chim.
Tu chung hrawng hi Gangaw chaklei kap khua pawl ah SAC nih rallam an sial i inn an khangh piak hna ruang ah tualchung mipi hna cu a himnak ah an zam tiah theih a si. Crd- The Chin Post
Breaking News:: SAC Ralkap Nih Tinam Khua An Khangh
Leave a Reply