US, Utah, Springville i khuasa mi tlangval kum 23 nih a nu a thah ti theih a si. December 23. 2020 ah a nu Victoria Ramirez kum 43 le a farnu le pa2 hna cu rawl an ei ti theih a si.
A farnu pahnih hna hi kum 14 le kum 17 i upa an si, A nu le a farnu pahnih hna rawl an ei lio ah cun, ruah lo piin a van luh hnawh hna i a nu cu a hnu lei in meithal in a kah i a thi colh. A nu meithal in a kah dih hnu cun a farnu kum 14 i upa mi he cun an lam tiah an chim, a farnu upa deuh kum 17 i upa mi cu a tih tuk i bathroom lei ah a zaam diam.
Bathroom in cu leng lei ah a chuak i a chungle dang hna cu thil si ning vialte a chimh dih hna i, palik hna an chawn colh, kum 17 i upa mi nih cun thil si ning vialte cu palik sinah a chim viar.
An chim ningah cun a nu thah tu Mike Lopez hi ritnak si tong a hmang mi a si tiah an chim, a nau kum 14 i upa zong ritnak si a pe ve tawn tiah an chim. Mike hi palik hna nih an tleih cang. Mike nih hin zei bantuk thil dah a tuah ti zong a theih lo tiah an chim.
A nau nu zong palik hna nih bia an hal ve colh i, thil si ning cu tha tein a chim duh lo tiah an chim, bia an hal lio zong ah hla hna a sak ter palik hna sinah cun an lam lio caan lawng ka theih tiah a chimh hna.
Palik hna nih mah thil a cang mi hi an hlathlai lio a si, zei bantuk hremnak dah an pek lai ti cu theih a si lo.
Leave a Reply