SAC ralkap kuttang um duh ti lo in, an hriamthil he mizapi lei ah ṭang in, CDM a tuahtu ralkap hna cu a luancia June 8, ah khan a himnak hmun pakhat ah laksawng phaisa peknak kan tuah, tiah NUG nih June 12 ah an thanh.
SAC ralkap kuttang um ralkap Ko Yee cu M 22 pakhat, kuan fang 102 le kuan bawm 2 he CDM a tuah caah phaisa Ks. 2,450,000 laksawng ah NUG nih an pek. MA-2 pakhat, kuan fang 137, kuanbawm 4 he CDM a tuahtu Ko Zaw zong Ks. 2,100,000 kan pek hna, tiah an langhter.
MA-1 pakhat, kuanbawm 3, kuan fang 78, kuan kham angki zunkhat le uniform tling he CDM a tuahtu Ko Naing cu Ks. 1,800,000 an pek i, kutcheh bomb lung 2, M 22 kuanfang 3, 9mm kuanfang pakhat, 7.62 kuanfang 14 he CDM a tuahtu palik Ko Sit cu Ks. 500,000 laksawng ah an pek tiah theih a si.
SAC ralkap ngoltak in CDM a tuahtu ralkap le palik hna cu an nun humhimnak ca ah tuaktanpiak an si lai i, hriamthil he CDM a tuahtu hna cu laksawng ah phaisa pek ding in timhtuahnak kan ngei, tiah Ministry of Defense, National Unity Government(NUG) nih an thanh.
The Chin Post
Leave a Reply