Hriamthil An Ser Lio Ah Pakokko PDF Camp A Kaang I, An Hriamthil An Sung Dih!

Hriamthil An Ser Lio Ah Pakokko PDF Camp A Kaang I, An Hriamthil An Sung Dih!: Magwe ramṭhen Pakokko Earthquake People’s Defence Force camp ah June 25 chunhnu suimilam 2:00 hrawng hriamngan an ser lio ah accident a chuah sual caah PDF camp a kaang, tiah theih a si.

PDF nih 60mm hriamngan an ser lio ah ruahlopi in accident cu a chuak sual i, hriamngan zong an kangh chih dih caah Kyats sing 1000 man leng kan sung tiah Earthquake People’s Defence Force in ṭuanvo ngeitu Ashi Gyi nih a chim.

Earthquake People’s Defence Force cu tualchung le hmun dangdang ah tualchung hriamtlai phufonh hna he SAC ralkap dohnak ah aa telmi phu an si i, atu ah cun an hriamthil dihlak ngawt in an sungh caah kahdohnak an tuah khawh ṭhan nakding ah mizapi sin bawmhnak an hal. Cred : The Chin Post