Hmunthar ah SAC Ralhrang pawl an i Pum, Drone an Hmanmi Kahthlakpiak an Tong

Nihin zinglei ah Thantlang peng, Khualhringtlang lei ah a kalmi SAC ralhrang pawl cu tu zaanlei ah Thantlang in meng 9 a hlatnak Hmunthar ah an i pum hna, tiah thawng kan theih.

Nihin zinglei ah SAC ralhrang pawl Arcerh an phak ah Drone vanlawng in mi ngiatnak an tuah i, cu Drone cu kahthlakpiak an tong.

Zaanlei zong ah Hakha in SAC ralhrang pawl motor 4 in Thantlang ah an phan chap hna. SAC ralhrang nih an hmanmi Drone hi Camera sawhsawh tarhmi maw a si (asiloah) Thermal Camera tarhmi dah a si timi fiang in theih a si lo.

Thermal Camera tarhmi Drone pawl hi ramlak ah i thuh zong minung le saram pum in a chuakmi a lummi dat (Heat Energy or Thermal Energy) in minung/saram a hmuh khawh hna.

Hakha peng, Chuncung khua pawng le Loklung pawng i CDF-Hakha le SAC ralhrang kahdohnak ah SAC lei nih Drone vanlawng pawl mi ngiatnak ah an rak hman ve hna.

An hmanmi Drone pawl ah hin a cunglei tahchunhnak kan langhtermi Thermal Camera an tarh le tarh lo theih a si lo.

Thermal Camera tarhmi Drone nih hmuh khawh lo nakding ah “Anti-Thermal Clothing” timi thilpuan pawl zong an um ve. Cu bantuk cu angki le bawngbi pawl cu online zong in an zuarmi tampi a um.

The Chin Journal

Be the first to comment

Leave a Reply

Your email address will not be published.


*