Nifatin in Ralhrang Thi Zat A Tam Tuk Cang An Lutlai zong an lau cang tuni Ralhrang Thizat

Yangon ah ralhrang le palik hna cu PDF nih bomb puahhnawh in an doh hna caah ralhrang minung 8 an thi Cun KNU brigade 5 hmunhma Phapun pengkomh chungah ralhrang phu le KNLA, PDF phufonh kar ah December 6,ni nikhat chungah kahdohnak voi 4 a chuak i ralhrang minung 6 nak tlawmlo an thi minung 7 nih hliamhma an tuar tiah KNU Mutaw thawngzamhnak nih nihin ah a langhter.

December 6, Matrawkhua in a chuakmi ralhrang phu khah-mah-yiah 407 cu Maynikung le Thigaylu kar ah KNLA nih bomb puahhnawh in an doh hna ralhrang minung 1 a thi i minung 1 nih hliamhma a tuar, chunhnu suimilam 2:30 hrawngah cu ralhrang phu hna cu KNLA le PDF phufonh nih an doh hna caah ralhrang minung 4 an thi,

Minung 6 nih hliamhma an tuar. Cu kahdohnak ah cun KNLA in minung 3 hliamhma an tuar tiah an cathanh chungah cun an langhter. Ralhrang phu hna nih KNU brigade 2 hmunhma ah ralhrang motor 3 he riahcaw an phawrh, brigade 3 Ngawnglaypin pengkomh ah,.

KNLA no.7 battalion hmunhma cu drone in checkhlatnak an tuah hna, brigade 3 no 9 battalion lei ah ralhrang minung khatten a phormi ralhrang motor 10 cu Mutee lei ah a kal tiah KNU Mutaw thawngzamhnak nih nihin ah a langhter.Khit Thit Media, The Chin Post

Yinmapyin pengkulh raldohnak ah a thi mi Uico ralkap pawl cu an hawile nih an ruak an rak char cuahmah lio ah PDF nih Bomb in an phomh nolh hna i Uico ralkap 10 leng an thi chap i a dang tam ngai nih hliam an tuar tiah PDF Newsflash nih a tarlangh. Uico ralkap pawl hi Motor pahnih in an hawile ruak char ah an rak rat hi a si i ruak hram an phak i an hrawi le ruak pawl an kawl cuahmah lio,

An char cuahmah lio ah PDF nih Bomb in an phomh nolh chap hna hi asi. Yinmapyin pengkulh raldohnak ah hin SAC ralhrang lei tam ngai an thi, ralbawi tiang in a thi mi an um ti asi. Cu ralhrang a thi mi ruak pawl rak lak ding in motor pahnih in an rak rat hi a si i PDF nih ceilak in an rak phomh nolh hna tiah PDF Newsflash nih cun a langhter.

“Raldohnak hmun ah a thi mi SAC ralhrang ruak pawl cu a dang motor pahnih in an rak lak hna. Ruak an rak kawl lio, an char lio ah PDF nih Bomb in an phomh nolh hna i a tlawmbik ah Ralhrang 10 an thi cang, hliamtuar zong an tam” tiah NUG Defense Ministry lei nih thawngthanh nak ah an langhter ve.

Democratic Guerrilla Force(Lower Chindwin) nih Monywa chaklei khualuhnak ah umhmun khuarmi ralhrang sakhan pakhat cu tinhchih in nihin December 8, zinglei suimilam 4:55 ah caan rikhiahmi bomb he a thli in an doh hna caah ralhrang minung 3 an thi tiah theih a si.

DGF(Lowee Chindwin)i nihin dohnak cu ralhrang phu hna nih December 5 ni ah Yangon Gyimintai peng, Panpingyi lam ah daiten hriamtlaih lo in ralhrang uk duhlo langhter in lamzawh mi hna cu ralhrang nih hramhram in motor an pah hna, meithal an kah hna leng ah,.

December 7, Salingyi ( peng Dungtaw khua ah hriamtlaih lo in a ummi sualnak ngeilo mipi, khuami minung 11 cu hritem in mei an khanghnak kong ah tinhchih in kah doh mi a si tiah Democratic Guerrilla Force (Lower Chindwin) DGF (LC) nih cathanh an chuah.Than Lwin Khet, The Chin Post

Be the first to comment

Leave a Reply

Your email address will not be published.


*