Hmundang dang i kan i then hnu zong ah unau thisa bantuk taktak in kan i ruat

Rest In Peace Van Van nih an kan liam tak ttham e
===========================
Khua khat, Sangkhat kan si pin ah kan kum aa rual, kan sianginn Kai aa rual, kan hngakchiat tein kan tleirawl tiang aa then lomi kan si.

Hmundang dang i kan i then hnu zong ah unau thisa bantuk taktak in kan i ruat. Ka chuah pi ka nau he hmunkhat te ah Chin National Army ah an lut i miphun caah nunnak an thap.

Nunnak a thap bantuk in nihin zing ah a ka liam tak. Lung a fak ko mu.Credit Salai Cung dawt.

Pehcahp, Ralhrang nih an Thahmi hna Matupi Ralzaam Minung 8.
January 7 ah Matupi peng ah ralhrang nih ralzaam minung 9 an tlaih hna i, atu tiang ah minung 8 thah an tong, tiah an fehter khawh. Thah a tongmi hna cu hna cu

Pa Le Mang (ngakchia kum 13), Mamar Pa,Salai Tin San,Pu Va Htoo Pu Tui Dim,Phupa Sali,Salai Steven, Pu Lian Ngai hna hi an si.

Thah a tongmi hna hi Matupi peng khuate pawl ah khua a sami hna an si i an innlo chuaktak in hmun dang ah a zaammi an si.
Lak nak The Chin Journal

News Dang, Rungtlang in hriamnam ngan an kah mi nih Nabual khuami pakhat a hliam, sii-inn ah an kalpi
Nihin, 2022 January 9 ah Council ralhrang nih Rungtlang in hriamnam ngan an kah mi cu Hakha Peng, Nabual khuachung ah a tla i nu pakhat bomb ci nih a peh ca ah sii-inn ah an kalpi tiah thawng kan theih.

Bomb hi Hakha Rungtlang in an rak kah mi a si. Nihin lawng ah hriamnam ngan an kah mi hi a tlawm bik zuun 20 cu a si lai tiah Hakha khuachung mi hna sin in kan theih.

Thawng kan hlat ning ah, “Nihin zaanlei sang in bomb puah thawng a thang. Hriamnam ngan an kah mi hi Hakha peng Nabual khuachung ah a tla. Bomb a tlaknak hi vok inn chung a si i bomb ci nih nu pakhat a peh. Atu hi sii-inn ah an kalpi,” tiah min langhter lo mi pakhat nih The Hakha Post ah a chim.

Tukar hrawng hi Hakha khuachung ah tlaih le khih a chuak ngaingai. Cun Council ralhraang hna zong khuachung i chawk in mi chekhlatnak an tuah peng tiah theih a si

News Dang, Ralhrang nih Khuami Minung 70 an tlaih hna i Ralhmai ah an kal ter hna.
Ralhrang nih minung 70 an tlaih hna hnu ah ralhrang uniform an hruk ter hna i ralhmai ah an kal ter hna.Tuka kahdohnak ah Ralhrang nih khuami minung 70 leng an tlaih hna i, ralhmai ah ann kal ter hna.

khuami minung 70 cu ralhrang nih an tlaih hna hnu ah mipi humhim tu dongh ding ah ralhmai ah an kal ter hna tiah thawng kan theih. Thanintharyi ramkomh, Thaninthary peng, Taku khua ah Ralhrang minung 100 hrawng nihh an luh hnawh hna i mipi harsa ngai in an um.

Ralhrang pawl nih cu Taku khua pawng hrawng, Kyuaktuang khua, Kyuaktaung Nge khua, Kyauk lung Gyi khua mi pawl hna cu an luh hnawh hna tiah theih a si.Khua mi an tlaih mi hna pawl cu ralhmai ah an kal ter hna hlei ah pawta an phorh ter hna tiah thawng kan theih.

An tlaih mi hna hi minung 70 hrawng an si. Mah an tlaih mi hna chungah kum upa le nu hngakchia 20 hrawng cu an chuah than hna tiah theih a si. A tangmi minung 50 hna cu an chuah rih hna lo tiah thawng kan theih.

An kaihmi pawl hi minung 70 hrawng an si ih an lakah kum upa le nunau 20 hrawng cu an suah zo nan, a tanglaimi minung 50 pawl lawngte an suah duh hrih lo.

An tlaih mi hna pawl cu an mah ralhrang thuam nan i hruh ter hna i ralhmmai an kal ter hna hlei ah pawta an phorhter hna tiah theih a si.Mah an tlai mi hna ah nu zong an tam ngai.

Kum upa tar zong an tam ngai. Tlangvaal zong an um tiah theih a si.