Chit Tuh Wai Nih Raldohnak Caah Tiin Fundraising A Tuahmi Cu Phaisa Ceilak Bak A Hmu

Raldohnak le dohthlenhnak ding caah bawmnak pe dingin fundraising a tuahtu lemcang thiam le hlasak thiam Chit Tuh Wai i Hope programme hmangin phaisa sing 500 lengkai a hmuh hi a si.

Ticket pakhat ah Kawlram phaisa thonghra (10000) in a zuar nain vawlei cung ramdang dang phaisa thlen ningin Kawlram phaisa in sing (520) leng ka hmuh tiah amah Chit Tuh Wai pumpak nih a chim.

Kawlram chungah harsatnak phunkip ton cio a si nain ticket (2000) lengkai tiangin nan ka cawk i thazaang na ka pekmi cungah ka lawm tuk tiah amah Chit Tuh Wai nih a chim.

Chit Tuh Wai nih raldohnak le rampi dohthlenhnak caah fundraising kawlnak programme hi thlafatin tein ka tuah lai tiah a chim chih.

Ref: People’s Spring

Relchap, Media Top 4 A Dirhtu Ko Tu Rin Kyaw Ralhrang Nih An Tlaih, Yanyon ramkhen, Insein pengkulh, Kan Naa lam Awng Ze Zar inn ah aum mi Media Top 4 a dirh tu Ko Tu Rin Kyaw cu February ni 3 ah khan ralhrang hna nih an umnak inn ah an tlaihnak kong cu a hoi pa pakhat nih a chim.

” A mah he inn ahlang tii mi pakhat he an tlaih hna tiaha chim. Thawngzamh tu ma a si, zei a si ti cu kan thei kho rih lo. Ko Tu Rin Kyaw cu thawngzam nak zung a tuah mi a si. Hlan deuh zong ah thawngzamh tu pakhat zong a si” tiah a hoi a si mi pakhat nih a chim.

Ralhrang nih hramhram in uknak an lak hnu February ni 2 ah ralhrang colhlannak puai ah thawng ahlat lio ah ralhrang a cohlang tu hna nih Ko Thu Rin Kyaw cu an raktuk velh i hliam arak tuar ngai.

Shan ram, Nam Kham khuapi chung zongah Hmgia Nat Maung, Ma He Thi tibantuk in Magazine chan ah tuanbia tawi arak tial tu catialthiam Khaing Htuu Thit cu CDM cozah riantuantu pahnih hna he,

An um ti lio ah February ni 1 ah an rak tlaihnak kong, a tu zongah a thawngpang theih khawh a si lonak kong, pehtlaih khawh a si lo caah an hlethlai i ralhrang nih an tlaih i Nam Kham ralhrang sakhan 1 ah a phak nak kong le anunnak caah thinphan a si nak kong cu a hoi pa pakhat nih achim.